ຄູຫາ​ມ້າ​ຍຈີ​ຊ່ານ​ແລະ​ຄູຫາ​ລົງ​ເມີນ​ໂລ້​ຢາງ

中国国际广播电台

         ຄູຫາ​ມ້າ​ຍຈີ​ຊ່ານຕັ້ງຢູ່​ຮ່ອມພູ​ທີ່​ຫ່າງ​ຈາກ​ທ່ຽນ​ສຸຍ​ແຂວງ​ການ​ຊູ່ ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ​ໄປ​ທາງ​ທິດຕາ​ເວັນ​ອອກສຽງ​ໃຕ້ 45 ກິ​ໂລ​ແມັດ,ສູງ150 ກວ່າ​ແມັດ,
ຕາມ​ການ​ບັນທຶກ​ໃນ​ເອກະສານ​ປະຫວັດສາດ, ຄູຫາ​ມ້າ​ຍຈີ​ຊ່ານ​ເລີ່​ມຂຸດ​ໃນ​ທ້າຍ​ລາ
ຊະວົງຊິນ(ປະມານ​ກ່ອນ​ຄ.ສ.ສະຕະວັດ​ທີ​ສາມ),ຫຼັງຈາກ​ນັ້ນ​ໄດ້​ແກະສະຫຼັກ​ພະພຸດ
ທະ​ຮູບ​ຕາ​ມຜາ​ຊັນ​ຊິກ​ລິກທີ່​ສູງ 30 ​ແມັດ​ແລະ 70 ​ແມັດ.

ພາບ:ທິວ​ທັດນອກ​ຂອງຄູຫາ​ມ້າ​ຍຈີ​ຊ່ານ

ພາບ:ນາງ​ຟ້າ​ໃນຄູຫາ​ເລກ​ທີ 127 ຂອງຄູຫາ​ມ້າ​ຍຈີ​ຊ່ານ

    ຄູຫາ​ເຫຼົ່ານີ້​​ແກະສະຫຼັກ​ເປັນ​ຊັ້ນໆ,ສະຫຼັບສັບ​ຊ້ອນກັນ,ມີ​ທ່າ​ທາງ​ສະຫງ່າ​ລາສີ. ປັດຈຸບັນ ຄູຫາ​ມ້າ​ຍຈີ​ຊ່ານ​ໄດ້​ຮັກສາ​ຄູຫາ​ທຸກ​ລາຊະວົງ​ເຊັ່ນ​ລາ​ຊະ​ວົງ​​ເປີ​ຍ​ເວີ້​ຍ,ລາຊະ
ວົງ​ຊີ່​ເວີ້​ຍ,ລາຊະວົງ​ເປີ​ຍ​ໂຈ​ວ,ລາຊະວົງ​ຊຸຍ,ລາຊະວົງ​ຖາງ,ລາຊະວົງ 5 ຍຸກ​ສ​​ະ​ໄໝ,ລາຊະວົງ​ຊົ້ງ,ລາຊະວົງ​ຢວນ,ລາຊະວົງ​ມີ​ງ​ແລະ​ລາຊະວົງ​ເຊັ່ງ,ມີຮູບ​ປັ້ນດິນ​ເຜົາ 194 ອົງ,ຮູບຄວັດ​ຫີນ 7 ພັນ​ກວ່າ​ອົງ,ຮູບ​ແຕ້ມ​ຝາ​ຜະໜັງ 1300 ​ແມັດ​ຕາ. ​ໃນ​ຄູຫາ​ມີ​ຮູບ​ປັ້ນທີ່​ໃຫຍ່ສ່ຳກັບ​ຄົນ​ແທ້​ນັບ​ເປັນ​ພັນ​ອົງ,​ເຕັມ​ໄປ​ດ້ວຍ​ກິ່ນ​ອາຍ​ຊີວິດ​ການ​ເປັນ​ຢູ່. ມີ​ພະ​ພຸດທະ​ເຈົ້າທີ່​ສະຫງ່ຽມ​ຄ່ຽມຄົມ,ພະ​ໂພທິສັດ​ແລະ​ລູກສິດ​ທີ່​ຢືນ​ຢູ່​ຂ້າງ,ບາງ​ອົງ​ກົ້ມຫົວ
ສູດ​ມົນ,ບາງ​ອົງ​ເວົາຊຸບ​ຊິ​ບກັນ,ບາງ​ອົງ​ໜ້າ​ເບີກ​ໜ້າບານ,ບາງ​ອົງ​ຍັງ​ກວັກ​ມື​ຖາມ​ສະ
ບາຍດີ​ຕໍ່​ກັນ. ນອກ​ນີ້,ຍັງ​ມີ​ຮູບ​ຂອງ​ເຍົາວະ​ຊົນ​ທີ່​ສັດທາ​ແລະ​ເດັກນ້ອຍ​ທີ່​ໄຮ້​ດຽງສາ. ຈາກອະມິ​ຕາ​ພະທີ່​ສູງ​ປະມານ 16 ​ແມັດ​ຮອດ​ຮູບ​ປັ້ນສູງ 10 ກວ່າ​ຊັງ​ຕີ​ແມັດ,ລ້ວນ​ແຕ່​ຄວັດ​ຢ່າງຍອດ​ຢ້ຽມ​ລະອຽດ,ມີ​ຊີວິດຊີວາ. ມີ​ຮູບ​ປັ້ນຫຼາຍອົງ​ຫັນ​​ເທວະ​ດາ​ເປັນ​ຄົນ,ມີ​ກິ່ນ​ອາຍ​ຊີວິດການ​ເປັນ​ຢູ່​ອັນ​ເຂັ້ມຂຸ້ນ,​ເຮັດ​ໃຫ້​ຄົນ​ຮູ້ສຶກ​ສະໜິດສະໜົມ. ຮູບ​ປັ້ນ​ເຫຼົ່າ
ນີ້​ໄດ້​ສະໜອງຫຼັກຖານ​ທີ່​ສຳຄັນ​ໃຫ້​ແກ່​ການຄົ້ນຄວ້າ​ປະຫວັດສາດ​ສາສະໜາ​ພຸດ,ປະ
ຫວັດສາດ,ວິທະຍາສາດ​ບູຮານ​ນະ​ຄະດີ​ແລະ​ວິທະຍາສາດຮີດຄອງ​ປະ​ເພນີ​ປະຊາຊົນ
​ຂອງ​ຈີນ. ຍ້ອນ​ວ່າ ຄູຫາ​ມ້າ​ຍຈີ​ຊ່ານ​ ໄດ້​ລີ້​ຊ່ອນ​ຢູ່​ໃນ​​ປ່າ​ເລິກ​ດົກໜາ​ທີ່ສອກ​ຫຼີກ,ຈຶ່ງ​
ໄດ້ຫຼີກ​ເວັ້ນການ​ທຳລາຍ​ຈາກ​ແປວ​ໄຟ​ສົງຄາມ​ແລະ​ຄົນ​ລັກ​ຂຸດ,ສະນັ້ນ ຈຶ່ງ​ໄດ້​ຮັກສາ​
ໄວ້​ເປັນ​ຢ່າງ​ດີ.

ຄູຫາ​ລົງ​ເມີນ​ໂລ້​ຢາງຕັ້ງຢູ່​ສອງ​ຝັ່ງ​ແມ່ນ້ຳອີ​ທີ່​ຫ່າງ​ຈາກ​ເມືອງ​ໂລ້​ຢາງ​ແຂວງ​ເຮີ
​ນານ​ໄປ​ທາງ​ທິດ​ໃຕ້ 13 ກິ​ໂລ​ແມັດ.  ​ແຫ່ງ​ນີ້​ມີ​ພາບ​ວິວທິວ​ທັດສວຍ​ງາມ, ມີວັດວາ
ອາ​ຮາມ​ຕັ້ງຊ່ອງໆ​ກັນ,​ແຕ່​ໃດ​ມາ ກໍ​ແມ່ນ​ບ່ອນ​ທ່ອງ​ທ່ຽວ​ຂອງ​ນັກ​ກະວີ. ຄູຫາ​ລົງ​ເມີນ​
ໂລ້​ຢາງ​ເລີ່​ມ​ແກະສະຫຼັກ​ກ່ອນ​ແລະຫຼັງ​ເຈົ້າຊີວິດ​ຊ້ຽວ​ເວີນ​ລາຊະວົງ​​ເປີ​ຍ​ເວີ້​ຍຊົງ​ຍ້າຍ
​ລາຊະ​ທານີ​ໄປ​ເມືອງ​ໂລ້​ຢາງ(ປີ 493),ຫຼັງຈາກ​ນັ້ນ ​ລາຊະວົງ​ຕ່າງໆໄດ້​ສ້າງ​ຢ່າງ​ຂະ
ໜາດ​​ໃຫຍ່​​ເປັນ​ເວລາ 400 ກວ່າ​ປີ,​ເຮັດ​​ໃຫ້​ຄູຫາໃນ​​ພູຫຼາຍປານ​ຮັງ​ເຜີ້ງ,ລວມມີ​ຄູຫາ
2300 ກວ່າ​ແຫ່ງ,ຮູບ​ແກະສະຫຼັກ 1 ​ແສນ​ກວ່າ​ອົງ,ສິລາ​ຈາລຶກສະຫຼັກໜັງສື 3600
ກວ່າ​ແຜ່ນ,​ເຈດີ 40 ລູກ. ຮູບຊົງ​ຂອງ​ເທບ​ທິດາ​ໃນ​ຮູບ​ແຕ້ມ​ຝາ​ຜະໜັງ​ໃນຄູຫາຄື​ພວມບິນ​ຢ່າງ​ເສລີ​ຫວ່າງກ້ອນເມກ,ຫຼືຍົກ​ໝາກ​ໄມ້​ບິນ​ຢູ່​ທ້ອງ​ຟ້າ,ຫຼືຮ້ອງ​​ເພງ,ຫຼືຫວ່ານ​ດອກ​ໄມ້​ລົງ​ຄື​ຝົນຕົກ,ທ່າ​ທາງ​ຄ່ອງ​ແຄ້ວ​ແລະ​ສີ​ໜ້າ​ສວຍ​ງາມຂອງ​ພວກ​ນາງ​ຟ້າ,​ເຮັດ​ໃຫ້​ຄົນ​ມັກຫຼາຍ.

 

    ຮູບ​ສິລະ​ປະທີ່​ອຸດົມສົມບູນ​ທີ່​ອາຈານ​ສິປະລະ​ສະ​ໄໝ​ບູຮານສ້າງ​ຂຶ້ນນັ້ນ​ໄດ້​ກາຍ​ເປັນ​ຂໍ້​ມູນ​ສຳຄັນ​ໃນ​ການຄົ້ນຄວ້າ​ປະຫວັດສາດ​ແລະ​ສິລະ​ປະສະ​ໄໝ​ບູຮານ​ຂອງ​ຈີນ. ຄູຫາ​ກູ​ຢາງ​ໃນ​ຄູຫາ​ລົງ​ເມີນ​ເລີ່​ມ​ແກະສະຫຼັກ​ກ່ອນ​ແລະຫຼັງ​ເຈົ້າຊີວິດ​ຊ້ຽວ​ເວີນ​ລາຊະ
ວົງ​ເປີ​ຍເວີ້​ຍຊົງ​ຍ້າຍ​ລາຊະ​ທານີ​ໄປ​ເມືອງ​ໂລ້​ຢາງ (ປີ 493),​ ແມ່ນ​ຄູຫາທີ່​ຂຸດ​​ເຈາະ
ກ່ອນ​ໝູ່​ແລະ​ມີ​ເນື້ອ​ໃນ​ອຸດົມສົມບູນ​ສົມ​ຄວນ​ໃນ​ຄູຫາ​ລົງ​ເມີນ. ພະພຸດທະ​ຮູບ​ໃນ​ຄູຫາ​
ງາມ​ປາ​ນີດ,ມີລວດລາຍ​ຫຼາຍຢ່າງຫຼາຍ​ແນວ. ຮູບ​ຄົນ​ສັດທາ​,ຄື​ຄົນແທ້​,​ແມ່ນ​ຂໍ້​ມູນ​ທີ່​
ລ້ຳຄ່າ​ໃນ​ການຄົ້ນຄວ້າ​ສິລະ​ປະ​ຄູຫາ​ຂອງ​ລາຊະວົງ​ເປີ​ຍເວີ້​ຍ. ຕົວ​ໜັງສື​​ແກະສະຫຼັກ
ກ່ຽວ​ກັບຮູບ​ແກະສະຫຼັກ​ໃນ​ຄູຫາ​ແມ່ນຂຽນ​ງ່າຍ​ແບ​ບບູຮານ,​ແມ່ນສິ່ງລ້ຳຄ່າ​ໃນ​ການ
ຄົ້ນຄວ້າ​ປະຫວັດ​ການ​ຂຽນ​ງາມ. ຄູຫາປິ່ນ​ຢາງ ອີກ​​ແຫ່ງ​ໜຶ່ງແມ່ນ​ຂຸດ​ເຈາະ​ໃນ​ຄ.ສ.
ປີ 500,ສຳ​ເລັດ​ໃນ​ປີ 523,​ໃຊ້​ເວລາ 24 ປີ. ​ໃນ​ຄູຫາມີ​ຮູບ​ພະ​ສາ​ກະ​ຍະ​ມຸນີ​ພ້ອມ
​ດ້ວຍ​ລູກສິດ​ແລະ​ພະ​ໂພທິສັດ,ໜ້າ​ຕາ​ຈ່ອຍ​ງາມ,ຮອຍ​ເສື້ອ​ເປັນ​ລະ​ບຽບຮຽບຮ້ອຍ​,ສະ​
ແດງ​ໃຫ້​ເຫັນ​ສີສັນ​ສິລະ​ປະ​ຂອງ​ຮູບ​ແກະສະຫຼັກລາຊະວົງ​​ເປີ​ຍເວີ້​ຍ.