ເຄື່ອງປັ້ນ​ດິນ​ເຜົາ​ກັບ​ຈີນ

中国国际广播电台

          

        ສັບ​ພາສາ​ອັງກິດ ”china” ທັງ​ມີ​ຄວາມ​ໝາຍ​ທີ່​ວ່າ​ຈີນ,ທັງ​ມີ​ຄວາມ​ໝາຍ​ທີ່​ວ່າ
”​ເຄື່ອງປັ້ນດິນ​ເຜົາ”. ​ເປັນ​ເວລາ​ດົນ​ນານ​ມາ​ນີ້ ຈີນ​ກໍ​ໄດ້​ຖືກ​ເອີ້ນ​ເປັນ”ປະ​ເທດ​ເຄື່ອງ
ປັ້ນດິນ​ເຜົາ”,ຄັນຊັ້ນ,ຈີນ​ກັບ​ເຄື່ອງປັ້ນດິນ​ເຜົາ​ມີ​ການ​ພົວພັນ​ຫຍັງ​ແທ້?

ຂໍ້​ມູນ​ບູຮານ​ນະ​ຄະດີ​ໄດ້​ຢັ້ງຢືນ​ວ່າ,ຕົ້ນກຳ​ເນີ​ດຂອງ​ເຄື່ອງປັ້ນດິນ​ເຜົາ​ແມ່ນ​ເຄື່ອງ​ດິນ​ເຄືອບ​ສີຂຽວດັ້ງ​ເດີມ. ​ເຄື່ອງດິນ​ເຄືອບ​ສີຂຽວ​ດັ້ງ​ເດີມ​ກ່ອນ​ໝູ່​ຂອງ​ຈີນ​ຖືກ​ຄົ້ນພົບ​ຢູ່​​ຮ່ອງຮອຍ​ວັດທະນະທຳ​ລົງ​ຊ່ານ​ຂອງ​ເມືອງ​ເຊ້ຍ​ແຂວງ​ຊ່ານຊີ່,ຫ່າງ​ຈາກ​ປັດຈຸບັນປະ
ມານ 4200 ປີ.

​ເຄື່ອງປັ້ນດິນ​ເຜົາ​ແທ້​ຈິງ​ຂອງ​ຈີນ​ປະກົດ​ອອກ​ໃນ​ໄລຍະ​ລາຊະວົງ​ຕົງ​ຮັ້ນ(ປີ 23--ປີ 220). ​ເຄື່ອງປັ້ນ​ດິນ​ເຜົາ​ແມ່ນ​ປະກົດ​ອອກ​ກ່ອນ​ໝູ່​ຢູ່​ແຂວງ​ເຈີ​ຈຽງ​ພາກ​ໃຕ້​ຂອງ​ຈີນ. ຫຼັງຈາກ​ນັ້ນ ​ເຕັກນິກ​ປັ້ນ​ດິນ​ເຜົາ​ໄດ້​ເຜີຍ​ແຜ່​ແຕ່​ພາກ​ໃຕ້​​​ຮອດ​ພາກ​ເໜືອ,​ແລະ​ໄດ້​ຮັບ​ການ​ພັດທະນາຢ່າງຫຼວງຫຼາຍ.ໃນ​ນັ້ນເຫດການ​ທີ່​ສຳຄັນ​ກວ່າ​ໝູ່​ແມ່ນ​ການ​ກຳ​ເນີ​ດ
ຂອງ​ເຄື່ອງປັ້ນດິນ​ເຜົາ​ສີຂາວ. ​ເຄື່ອງປັ້ນດິນ​ເຜົາ​ສີຂາວ​ແມ່ນ​ຂະຫຍາຍ​ມາ​ຈາກ​ເຄື່ອງ
ດິນ​ເຄືອບ​ສີຂຽວ,ຄວາມ​ແຕກ​ໂຕນ​ກັນ​ລະຫວ່າງ​ສອງ​ອັນ​ພຽງ​ແຕ່​​ແມ່ນ​ປະລິມານ​ທາດ
ເຫຼັກ​ໃນ​ເບົ້າ​ແລະ​ວັດຖຸ​ເຄືອບ​ຕ່າງ​ກັນ. ດິນ​ມີ​ທາດເຫຼັກໜ້ອຍ,​ເບົ້າຈະ​ເປັນ​ສີຂາວ,ຖ້າ​
ມີ​ທາດເຫຼັກຫຼາຍ,​ເບົ້າຈະ​ມີ​ສີມືດ,​ເປັນ​ສີ​ຂີ້​ເທົ່າ​ອ່ອນຫຼືຂຸ້ນ. ​ເວົ້າສຳລັບ​ການ​ຂະຫຍາຍ
ຕົວ​ຂອງ​ເຄື່ອງປັ້ນ​ດິນ​ເຜົາ​ເອງ​ແລ້ວ,​ແມ່ນ​ຈາກ​ເຄື່ອງປັ້ນດິນ​ເຜົາ​ທີ່​ມີ​ແຕ່​ວັດຖຸ​ເຄືອບ​ຢ່າງ​ດຽວ​ຂະຫຍາຍ​ໄປ​ສູ່​ເຄືອບ​ສີ,ສ່ວນ​ເຄື່ອງປັ້ນດິນ​ເຜົາ​ສີ​ສ່ວນຫຼາຍທີ່​ສຸດ​ແມ່ນ​ເອົາ​ສີຂາວ​​ເປັນ​ສີ​ພື້ນແລະ​ສ່ອງ​ແສງ​ໃຫ້​ເຫັນ​ສີ​ຕ່າງໆ​ທີ່​ສວຍງາມ. ດັ່ງນັ້ນ ການ​ກຳ​ເນີ​ດ
ຂອງ​ເຄື່ອງປັ້ນດິນ​ເຜົາ​ສີຂາວ​ມີ​ຜົນ​ສະທ້ອນ​ເລິກ​ເຊິ່ງຍາວ​ໄກ​ທີ່​ສຸດ​ຕໍ່​ການ​ຂະຫຍາຍຕົວ​ຂອງ​ເຄື່ອງປັ້ນດິນ​ເຜົາ.

​ໃນ​ສະ​ໄໝ​ລາຊະວົງ​ຖາງ​ແລະ​ລາຊະວົງ​ຊົ້ງ​ແຕ່​ສະຕະວັດ​ທີ 10 ຮອດ​ຕົ້ນສະ
ຕະວັດ​ທີ 13,​ເຕັກນິກ​ເຮັດ​ເຄື່ອງປັ້ນດິນ​ເຜົາ​ຂອງ​ຈີນ​ສືບ​ຕໍ່​ຂະຫຍາຍຕົວ. ​“ຖາງ​ຊ່ານ​
ສາຍ”​ແປ​ວ່າ​ເຄື່ອງປັ້ນດິນ​ເຜົາ​ທີ່​ມີ​ສາມ​ສີ​ຂອງ​ລາຊະວົງ​ຖາງ​ກໍ​ແມ່ນ​ກຳ​ເນີ​ດ​ເກີດ​ຂຶ້ນ​ໃນ​
ໄລຍະ​ນີ້,ມັນຕົ້ນຕໍ​ແມ່ນ​ທາ​ວັດຖຸ​ເຄືອບ​ສີ​ໃນ​ເບົ້າ,​ໃນ​ເວລາ​ເຜົາ​ໄດ້​ເກີດມີ​ການ​ປ່ຽນ​ແປງ
​ດ້ານ​ເຄມີ. “ຖາງ​ຊ່ານ​ສາຍ”​ໄດ້​ຮັບ​ເອົາ​ຈຸດ​ພິ​ເສດ​ຂອງ​​ເຄື່ອງ​ຫັດຖະກຳ​ແລະ​ວິຈິດ​ຕະ
ກຳ​ເຊັ່ນຮູບ​ແຕ້ມ​ຈີນແລະ​ຮູບ​ປັ້ນຂອງ​ຈີນ​ເປັນຕົ້ນ,​ໃຊ້​ຮູບ​ປະດັບ​ທີ່​ມີ​ຮູບ​ການ​ຕ່າງໆ​ເຊັ່ນ
​ຕິດຮູບ​,ຄວັດ​ຮູບແລະ​​ແຕ້ມ​ຮູບ​ເປັນຕົ້ນ,​ໃຊ້​ວັດຖຸ​ເຄືອບ​ສາມສີ​ຄື​ສີ​ແດງ,ສີຂຽວ​ແລະ​ສີ
ຂາວ​ໃນ​​ເຄື່ອງ​ດຽວ​ກັນ,ຫຼັງ​ຈາກ​ເຜົາ​ດ້ວຍ​ອຸນຫະພູມ​ສູງ​ແລ້ວ,ສາມ​ສີ​ນີ້​ເຊື່ອມ​ໂຍງ​ເຂົ້າ
ກັນ,ສາມ​ສີ​ກໍ​ກາຍ​ເປັນຫຼາຍສີ,ນີ້​ແມ່ນ​ຈຸດ​ພິ​ເສດ​ຂອງ”ຖາງ​ຊ່ານ​ສາຍ”.

ລາຊະວົງ​ມິ​ງ(ປີ 1368--ປີ 1644)​ແລະ​ເຊັ່ງ(ປີ 1644--ປີ 1911)​ແມ່ນ​ໄລຍະ​ຈະ​ເລີ​ນຮຸ່ງ​ເຮືອງທີ່ຜະລິດ​ເຄື່ອງປັ້ນດິນ​ເຜົາ​ຂອງ​ຈີນ​,ຈຳນວນ​ແລະ​ຄຸນ​ນະພາ​ບຂອງ​ເຄື່ອງປັ້ນດິນ​ເຜົາ​ລ້ວນ​ແຕ່​ບັນລຸ​ກະ​ແສ​ສູງ. ການ​ກຳນົດ​ເມືອງ​ຈີ​ງ​ເຕີ ​ເມືອງ​ພາກ​ໃຕ້​ເປັນ​ເມືອງ​ເຄື່ອງປັ້ນ​ດິນ​ເຜົາ​ນັ້ນ​ເຮັດ​ໃຫ້​ເຕົາ​ເຄື່ອງປັ້ນດິນ​ເຜົາ​ຂອງ​ເມືອງ​ຈີ​ງ​ເຕີ​ຄອງ​ຖານະເຄື່ອງປັ້ນ​ດິນ​ເຜົາ​ຂອງ​ລາຊະ​ວົງ​ມິ​ງ​ແລະ​ເຊັ່ງຫຼາຍຮ້ອຍ​ປີ,ຈົນ​ຮອດ​ຊູ່​ມື້​ນີ້ ​ເຄື່ອງ
ປັ້ນດິນ​​ເຜົາ​ທີ່ມີ​ລະດັບ​ສູງ​ສຸດ​ຂອງ​ຈີນ​ຍັງ​ຄົງ​ຜະລິດ​ຢູ່​ແຫ່ງ​ນີ້. ປະຫວັດສາດ​ທີ່​ເຄື່ອງ
ປັ້ນດິນ​ເຜົາ​ຂອງ​ຈີນ​ສົ່ງ​ໄປ​ຕ່າງປະ​ເທດ​ແມ່ນ​ເລີ່​ມຕົ້ນ​ໃນ​ສະຕະວັດ​ທີ 8. ກ່ອນ​ໜ້າ​ນີ້,
”​ເສັ້ນທາງ​ຜ້າ​ໄໝ”ທີ່​ມີ​ຊື່​ສຽງ​ກໍ​ໄດ້ພາໃຫ້ມີການ​ແລກປ່ຽນ​ທາງ​ການ​ຄ້າ​ແລະ​ວັດທະນະ
ທຳ​ລະຫວ່າງ​ຈີນ​ກັບ​ຕ່າງປະ​ເທດ,ຈີນ​ຖືກ​ເອີ້ນ​ເປັນ”​ເມືອງ​ຜ້າ​ໄໝ”. ​ຫຼັງຈາກ​ເຂົ້າສູ່​ສະ
ຕະວັດ​ທີ 8 ​ແລ້ວ,ຄຽງ​ຄູ່​ກັບ​ເຄື່ອງປັ້ນດິນ​ເຜົາ​ຂອງ​ຈີນ​ຂາຍ​ໄປ​ຕ່າງປະ​ເທດ,ຈີນ​ກໍ​ໄດ້​
ມີ​ຊື່​ສຽງ​ດ້ວຍ”​ເມືອງ​ເຄື່ອງປັ້ນດິນ​ເຜົາ”.

​ທຳ​ອິດ ເຄື່ອງປັ້ນດິນ​ເຜົາ​ຂອງ​ຈີນ​ຕົ້ນຕໍ​ແມ່ນສົ່ງ​ໄປ​ຂາຍ​ຢູ່​​ເຂດ​ອາຊີ. ຫຼັງຈາກ
​ເຂົ້າສູ່​ສະຕະວັດ​ທີ 17 ​ແລ້ວ,ພະ​ບໍລົມ​ວົງສາ​ນຸວົງ​ແລະ​ພະ​ລາຊະ​ວັງ​ຂອງ​ເອີ​ລົບ​ຕາ
​ເວັນ​ຕົກ​ເລີ່​ມມີ​ກະ​ແສ​ເກັບ​ຮັກສາ​ເຄື່ອງປັ້ນດິນ​ເຜົາ​ຂອງ​ຈີນ. ຫຼັງຈາກ​ປອກຕຸຍ​ການ
​ບຸກ​ເບີກທາງ​ເດີນ​ທະ​ເລ​ໃໝ່​ແລ້ວ,​ເຄື່ອງປັ້ນດິນ​ເຜົາ​ກໍ​ໄດ້​ກາຍ​ເປັນ​ຂອງຂວັນ​ທີ່​ລ້ຳຄ່າ​
ກວ່າ​ໝູ່​ໃນ​ສັງຄົມ​ເອີ​ລົບ. ​ໃນ​ໄລຍະ​ນີ້ ຢູ່​ເອີ​ລົບ​ແມ່ນ​ນິຍົມ​ແບບ​ແຜນ​ສິລະ​ປະ​ໂຣ​ໂຄ​
ໂຄ,ມີ​ຈຸດ​ພິ​ເສດທີ່​ມີ​ຊີວິດ​ຊີວາ,ສວຍ​ງາມ​ແລະ​ທຳ​ມະ​ຊາດ,​ຄື​ກັນ​ກັບ​ຄວາມ​ຍອດ​ຢ້ຽມ​,
ອ່ອນ​ໂຍນແລະງາມ​ທຳ​ມະ​ຊາດ​ ໃນ​ແບບ​ແຜນ​ສິລະ​ປະ​ຂອງ​ຈີນ. ທັງ​ນີ້ ກໍ​ໄດ້​ຊຸກ​ຍູ້​
ເຄື່ອງ​ຂອງ​ທີ່​ມີ​​ແບບ​ແຜນ​ຂອງ​ຈີນ​ເຊິ່ງລວມທັງ​ເຄື່ອງປັ້ນດິນ​ເຜົາ​ແຜ່​ຜາຍ​ໄປ​ທົ່ວ​ສັງ
ຄົມ​ເອີ​ລົບ. ຕາມ​ສະຖິຕິ​ບໍ່​ຄົບ​ຖ້ວນ,​ໃນ​ສະຕະວັດ​ທີ 17 ​ຈີນ​ໄດ້​ສົ່ງ​ເຄື່ອງປັ້ນດິນ​ເຜົາ​
ອອກ​ຂາຍ​ນອກ​ປະມານ 2 ​ແສນ​ເຄື່ອງ​ຕໍ່​ປີ,​ໃນ​ສະຕະວັດ​ທີ 18 ​ເວລາຫຼາຍທີ່​ສຸດ​ມີ​
ປະມານ 1 ລ້ານ​ເຄື່ອງຕໍ່​ປີ. ​ເຄື່ອງປັ້ນດິນ​ເຜົາຂອງ​ຈີນ​ໄດ້​ຂາຍ​ຢູ່​ທົ່ວ​ໂລກ,ກາຍ​ເປັນ​
ສິນຄ້າ​ລະດັບ​​ໂລກ. ສັບ​ທີ່​ວ່າ”china”ກໍ​ໄດ້​ເຜີຍ​ແຜ່​ໂດຍ​ທົ່ວ​ໄປ​ຢູ່​ອັງກິດ​ແລະ​ແຜ່ນດິນ
​ໃຫຍ່​ເອີ​ລົບ​ໄປ​ຕາມ​ເຄື່ອງປັ້ນດິນ​ເຜົາ​ຂອງ​ຈີນ,​ແລ້ວ​ກາຍ​ເປັນ​ສັບ​ແທນ​ນາມ​​ເຄື່ອງປັ້ນ
ດິນ​ເຜົາ,​ເຮັດ​ໃຫ້ສັບ​ທີ່​ວ່າ”ຈີນ”ກັບ”​ເຄື່ອງປັ້ນດິນ​ເຜົາ”​ຕັດ​ແຍກ​ອອກກັນ​ບໍ່​ໄດ້. ການ
​ປ່ຽນ​ແປງ​ແນວ​ນີ້​ແມ່ນ​ກຳນົດ​​ໃນ​ທີ່ສຸດ​ໃນ​ເມື່ອ​ໃດ​ຍັງ​ບໍ່​ຮູ້​ເທື່ອ,​ແຕ່​ສິ່ງ​ທີ່​ຢືນຢັນ​ໄດ້​ນັ້ນ​
ແມ່ນ,ກໍ​ແມ່ນ​ຍ້ອນ​ຜົນສຳ​ເລັດ​ອັນ​ກ້ານ​ກຸ່ງຮຸ່ງ​ເຮືອງ​ຂອງ​ຈີ​ນ​ໃນ​ດ້ານ​ເຄື່ອງປັ້ນດິນ​ເຜົາ
​ໃນ​ສະ​ໄໝ​ບູຮານ,​ແລະ​ເສັ້ນທາງ​ເຜີຍ​ແຜ່​ເຄື່ອງປັ້ນດິນ​ເຜົາ,​ເຮັດ​ໃຫ້​ເຄື່ອງ​ທີ່​ມີ​ສີສັນ​ພິ
​ເສດ​ຂອງ​ຈີນ​ແນວ​ນີ້​​ໄດ້​ຮັບ​ຄວາມ​ນິຍົມ​ຊົມ​ຊອບ​ຈາກ​ຊາວ​ໂລກ​,​ເອົາ​ຈີນ​ກັບ​ເຄື່ອງປັ້ນ
ດິນ​ເຜົາ​ປະສານ​ກັນ​ເຂົ້າຈົນ​ເທົ່າ​ໃດໆ.