ຄູຫາ​ໂມ້​ກ່າວ​ຕຸ່ນ​ຮວງ

中国国际广播电台

           ຄູຫາ​ໂມ້​ກ່າວ​ຕຸ່ນ​ຮວງ​ທີ່​ຕັ້ງຢູ່​ພາກ​ຕາ​ເວັນ​ຕົກສຽງ​ເໜືອ​ຂອງ​ຈີນ​ແມ່ນ​ຄັງ​ສາງ​
ປ​ະ​ເສີດ​ສິລະ​ປະ​ທີ່​ກວ້າງ​ໃຫຍ່,ມັນ​ແມ່ນຄູຫາທີ່​ມີ​ຂະໜາດ​ໃຫຍ່​ກວ່າ​ໝູ່​ແລະ​ມີ​ເນື້ອ​ໃນ​ອຸດົມສົມບູນ​ກວ່າໝູ່​ໃນຈຸ້ມ​ຄູຫາໃຫຍ່​ 4 ​ແຫ່ງຂອງ​ຈີນ,ມັນ​ໄດ້​ໂຮມ​ສູນ​ສ່ອງ​ແສງ​ໃຫ້​ເຫັນ​ຫົວ​ກະທິສິລະ​ປະ​ຄວັດ​ຫີນ​​ໃນ 10 ກວ່າ​ລາຊະວົງ,ກິນ​ເວລາ​ເກືອບ​ພັນ​ປີ​ຂອງ​ຈີນ,​ແມ່ນ​​ຮ່ອງຮອຍ​ສາສະໜາ​ພຸດ​ທີ່​ມີ​ຂະໜາດ​ໃຫຍ່​ກວ່າ​ໝູ່​ແລະ​ຮັກສາ​ຄົບ​ຖ້ວນ​ກວ່າ​ໝູ່​ໃນ​ໂລກ.

ຢູ່​ຊານ​ເມືອງ​ຕຸ່ນ​ຮວງ​ແຂ​ວງການ​ຊູ່ ພາກ​ຕາ​ເວັນ​ຕົກ​ສຽງ​ເໜືອ​ຂອງ​ຈີນ​ມີ​ພູ​ໜ່ວຍ​ໜຶ່ງຊື່”ພູມິ​ງຊ່າ”. ຢູ່​ເທິງ​ຜາ​ຊັນ​ຕາ​ເວັນ​ອອກ​ຂອງ​ພູມິ​ງຊ່າ​ທີ່​ມີ​ຄວາມ​ຍາວ​ແຕ່​ເໜືອ​ຮອດ​ໃຕ້​ເກືອບ 2 ກິ​ໂລ​ແມັດ,​ໄດ້ຂຸດ​​ເຈາະ​ຄູຫານັບ​ບໍ່​ຖ້ວນ​ໂດຍ​ແບ່ງ​ເປັນ 5 ຊັ້ນຈາກ​ເທິງ​ລົງ​ລຸ່ມ,ຄູຫາ​ເຫຼົ່ານີ້ລຽນ​ກັນ​ຈາກ​ບ່ອນ​ສູງ​ຫາ​ບ່ອນ​ຕ່ຳ,ມີ​ສະພາບສະຫງ່າ​ຜ່າ​ເຜີຍ​ທີ່​ສຸດ. ນີ້​ກໍ​ແມ່ນ​ຄູຫາ​ໂມ້​ກ່າວ​ຕຸ່ນຮວງ​ທີ່​ມີ​ຊື່​ສຽງ​ໃນ​ໂລກ.

ການ​ຈໍ່​ຕົວ​ຂອງ​ຄູຫາ​ໂມ້​ກ່າວ​ແມ່ນ​ເລີ່​ມຈາກ​ປີ 366. ມື້​ໜຶ່ງ,ມີ​ພະ​ສົງຊື່ວ່າ​ເລີ້​ຈູ່ນ​ໄດ້​ທ່ຽວຫຼິ້ນຢູ່​ຕຸ່ນ​ຮວງ. ​ເພິ່ນ​ໄດ້​ເຫັນ​ພູມິ​ງຊ່າ​ມີ​ແສງ​ຄຳ​ຮຸ່ງ​ແຈ້ງ,ຄື​ວ່າມີ​ພະ​ເປັນ​ພັນ​ເປັນ​ໝື່ນ​ອົງ​ປະກົດ​ອອກ​ມາໃນ​ແສງ​ຄຳ,ພະ​ເລີ້​ຈຸ່ນ​ຄິດ​ວ່າ: “​ແຫ່ງ​ນີ້​ແມ່ນ​ແຫ່ງ​ສັກກະ​ລະ​ບູ
ຊາ​ແນ່ນອນ.” ສະນັ້ນ ກໍ​ໄດ້​ເຊີນ​ຄົນ​ຂຸດ​​ເຈາະຄູຫາ​ແຫ່ງ​ທຳ​ອິດ​ຢູ່​ຜາ​ຊັນ. ຫຼັງຈາກ​ນັ້ນ ​ເມື່ອ​ໄດ້​ກໍ່ສ້າງ​​ໃນ​ຫຼາຍລາຊະວົງ,ຄູຫາ​ໄດ້​ເພີ່ມຂຶ້ນ​ເລື້ອຍໆ,​ເມື່ອ​ຮອດ​ລາຊະວົງ​ຖາງ​ໃນ​ສະຕະວັດ​ທີ 7 ,ຢູ່​ຄູຫາ​ໂມ້​ກ່າວ​ໄດ້​ມີ​ຄູຫາ​ພະ 1 ພັນ​ກວ່າ​ຄູຫາ​ແລ້ວ,ດັ່ງນັ້ນ ຄູຫາ​ໂມ້​ກ່າວ​ກໍ​ເອີ້ນ​​ເປັນ”ຄູຫາ​ພະ​ພັນ​ອົງ”.

ຄູຫາ​ໂມ້​ກ່າວ​ແມ່ນ​ວັງ​ສິລະ​ປະ​ທີ່​ໂຮມ​ສູນ​ເຄຫະ​ສະຖານ​ບູຮານ,​ຮູບ​ແຕ້ມ​ຝາ​ຜະ
ໜັງ​ແລະ​ຮູບ​ປັ້ນ. ​ໃນ​ເວລາ​ຂຸດ​​ເຈາະ​ຄູຫາ​ນັ້ນ ຄົນ​ໃນ​ທຸກ​ລາຊະວົງ​ໄດ້​ປັ້ນພະພຸດທະ​ຮູບ​ຢ່າງຫຼວງຫຼາຍ​ໃນ​ຄູຫາ,​ໄດ້​ແຕ້ມ​ຮູບ​​ຝາ​ຜະ​ໜັງຢ່າງຫຼວງຫຼາຍ. ​ເຖິງ​ວ່າ​ໄດ້​ຜ່ານ​ການຜັນ​ປ່ຽນ​​ທາງ​ປະຫວັດສາດ​ແລະ​ການ​ທຳລາຍ​ຂອງ​ຄົນ,​ແຕ່​ມາ​ຮອດ​ປັດຈຸບັນ ຄູ
ຫາ​ໂມ້​ກ່າວ​ຍັງ​ໄດ້​ຮັກສາ​​ເກືອບ 500 ​ແຫ່ງ,ຮັກສາຮູບ​ແຕ້ມ​ຝາ​ຜະ​ໜັງ​ປະມານ 5 ໝື່ນ​ແມັດ​ຕາ​ແລະ​ພະພຸດທະ​ຮູບ 2 ພັນ​ກວ່າ​ຕົນ. ພະພຸດທະ​ຮູບ​ໃນ​ຄູຫາ​ໂມ້​ກ່າວ​ມີ​ຮູບຊົງຕ່າງ​ກັນ​,​ຜ້າ​ກະ​ບົງ​ແລະ​ວິທີ​ປັ້ນກໍຕ່າງ​ກັນ,​ໄດ້​ສ່ອງ​ແສງ​ໃຫ້​ເຫັນ​ສີສັນ​ພິ​ເສດ​ຂອງ​ຍຸກ​ສະ​ໄໝ​ຕ່າງ​ກັນ. ຮູບ​ແຕ້ມ​ຝາ​ຜະ​ໜັງ​ຂອງ​ຄູຫາ​ໂມ້​ກ່າວ​ແມ່ນ​ສະຫງ່າ​ຜ່າ​ເຜີຍ​ທີ່​ສຸດ,ຖ້າ​ເອົາ​ຮູບ​ເຫຼົ່ານີ້​ເຊື່ອມ​ຕໍ່​ເຂົ້າກັນ,ສາມາດຈັດ​ເປັນ​ລະບຽງວາງສະ​ແດງ​ຮູບ​ແຕ້ມ​ທີ່ຍາວ​ເກືອບ 30 ກິ​ໂລ​ແມັດ.

​ຄູຫາ​ໂມ້​ກ່າວ​ຕຸ່ນ​ຮວງ​ຍ້ອນ​ວ່າ​ຢູ່​ເຂດ​ສອກຫຼີກຂອງ​ຈີນ,ສະນັ້ນ ​ໄດ້​ມິດ​ງຽບຮ້ອຍ​ປີ​ກໍ​ບໍ່​ໄດ້​ປະຈັກ​ຕາ​ຊາວ​ໂລກ. ​ແຕ່​ວ່າ​ໃນຕົ້ນສະຕະວັດ​ທີ 20 ຍ້ອນ​ໄດ້​ຄົ້ນພົບ​ສາງ​ໜັງສື​ທີ່​ເລິກ​ລັບ,ສິ່ງ​ປະ​ເສີດ​ທີ່​ສະ​ສົມ​ໃນ​ຄູຫາ​ໂມ້​ກ່າວ​ໄດ້​ເຮັດ​ໃຫ້​ຊາວໂລກ​ຕື່ນ​ຕົກ​ໃຈ,​ແລະ​ກໍ​ໄດ້​ເກີດ​ໄພ​ທີ່​ພາ​ໃຫ້ວັດຖຸບູຮານ​ໄຫຼ​ໜີທີ່​ໜັກໜ່ວງ​ກວ່າ​ໝູ່,​ແລະ​ເຮັດ​ໃຫ້​ຄົນ​​ເຈັບ​ແຄ້ນ​ແໜ້ນ​ໃຈ​ກວ່າ​ໝູ່​ໃນ​ປະຫວັດສາດ​ສະ​ໄໝ​ມໍ່​ຂອງ​ຈີນ.

ປີ 1900 ​ໃນ​ເວລານັກ​ບວດ​ສາສະໜາ​ເຕົາ​ນາມສະກຸນ​ວາງ​ຊຳລະ​ຂີ້​ຊາຍ​ນັ້ນ ບັງ​ເອີນ​ໄດ້​ພົບເຫັນ​ຫ້ອງ​ລັບ,ພາຍຫຼັງມາ ຫ້ອງ​ລັບ​ນີ້ຖືກ​ເອີ້ນ​ເປັນ”ຖ້ຳສະ​ສົມ​ຄຳ​ພີ”. ​ໃນ​ຖ້ຳນ້ອຍ​ທີ່​ຍາວ​ແລະ​ກວ້າງ​ຕ່າງ​ແມ່ນ 3 ​ແມັດ​ນີ້,​ໄດ້​ກອງ​ຄຳ​ພີ,ຜ້າ​ໄໝ,ຮູບ​ແຕ້ມ​ແລະ​ວັດຖຸບູຮານ​ອັນ​ປະ​ເສີດ​ອື່ນໆ,ປະມານ 5 ໝື່ນ​ກວ່າ​ອັນ. ວັດຖຸບູຮານ​ເຫຼົ່ານີ້​ຈາກ​ສະຕະວັດ​ທີ 4 ຮອດ​ສະຕະວັດ​ທີ 11,​ເນື້ອ​ໃນ​ພົວພັນ​ເຖິງ​ເກືອບ​ໝົດ​ທຸກ​ຂົງ​ເຂດ​ສັງ
ຄົມ​ເຊັ່ນ​ປະຫວັດສາດ,ພູມ​ສາດ,ການ​ເມືອງ,ຊົນ​ເຜົ່າ,ການ​ທະຫານ,ພາສາ​ຕົວ​ໜັງສື,ສິລະ​ປະ​ວັນນະຄະດີ,ສາສະໜາ,​ແພດສາດ​ແລະ​ວິທະຍາສາດ​ເຕັກນິກ​ເປັນຕົ້ນຂອງ​ຈີນ​ແລະ​ອາຊີ​ກາງ,ອາຊີ​ໃຕ້​ແລະ​ເອີ​ລົບ,ຖືກ​ເອີ້ນ​ເປັນ​ສາລານຸກົມ​ໃນ​ຍຸກ​ສ​ະ​ໄໝ​ບູຮານ​ກາງ.

ພາຍຫຼັງນັກບວດ​ວາງ​ຄົ້ນພົບ​ຖ້ຳສະ​ສົມ​ຄຳ​ພີ​ແລ້ວ,​ໄດ້​ເອົາ​ວັດຖຸບູຮານ​ຈຳນວນ​ໜຶ່ງ​ໃນ​ຖ້ຳອອກ​ໄປ​ແລກປ່ຽນ​ຜົນ​ປະ​ໂຫຍ​ດ. ຄຽງ​ຄູ່​ກັບ​ວັດຖຸບູຮານ​ອັນ​ປະ​ເສີດ​ເຫຼົ່ານີ້​​ແຜ່​ລາມ​ໄປ​ໃນ​ໝູ່​ປະ​ຊາ​ຊົນ,ຂ່າວ​ທີ່​ວ່າ​ໃນ​ຄູຫາ​ໂມ້​ກ່າວ​​ໄດ້ສະ​ສົມຕົ້ນສະບັບບູຮານ​ນັ້ນກໍ​ໄດ້​ຊ່າ​ລື​ກັນ​ໄປ. “ນັກ​ພະ​ຈົນ​ໄພ”ຂອງ​ບັນດາ​ປະ​ເທດ​ໃນ​ໂລກ​ຫຼັ່ງ​ໄຫຼ​ໄປ​ບ່ອນ​ນັ້ນ. ຍ້ອນ​ວ່າ​ລັດຖະບານ​ຊາ​ລະ​ວົງ​ເຊັ່ງ​ໃນ​ຄາວ​ນັ້ນບໍ່​ມີ​ຄວາມ​ສາມາດ,​ໃນ​ເວລາ​ບໍ່​ຮອດ 20 ປີ “ນັກ​ພະ​ຈົນ​ໄພ”ຂອງຣັດ​ເຊຍ,ອັງກິດ,ຝຣັ່ງ,ຍີ່​ປຸ່ນ​ແລະ​ອາ​ເມ​ລິ​ກາ​ເປັນຕົ້ນ​ໄດ້​ລັກ​ເອົາ​ຄຳ​ພີ​ເກືອບ 4 ໝື່ນ​ເຫຼັ້ມ​ແລະ​ຮູບ​ແຕ້ມ​ຝາ​ຜະໜັງ,ພະພຸດທະ​ຮູບ​ທີ່​ລ້ຳຄ່າ​ຢ່າງຫຼວງ
ຫຼາຍ,​ໄດ້​ນຳ​ເອົາ​ໄພພິບັດ​ອັນ​ມະຫາສານ​ມາ​ໃຫ້​ຄູຫາ​ໂມ້​ກ່າວ. ປັດຈຸບັນ ຢູ່​ອັງກິດ,ຝຣັ່ງ,ຣັດ​ເຊຍ,ອິນ​ເດຍ,​ເຢຍລະ​ມັນ,ດານ​ມາກ,ຊູແອັດ,ສາທາລະນະ​ລັດ​ເກົາຫຼີ,​ແຟງລັງ​ແລະ​ອາ​ເມ​ລິ​ກາ​ເປັນຕົ້ນລ້ວນ​ແຕ່​ໄດ້​ສະ​ສົມ​ວັດຖຸບູຮານ​ຂອງ​ຕຸ່ນ​ຮວງ,ນັບ​ລວມ​ແລ້ວ​ກວມ​ 2 ສ່ວນ 3 ຂອງ​ວັດ​ຖຸບູຮານ​ໃນ​ຖ້ຳສະ​ສົມ​ຄຳ​ພີ. ຫຼັງຈາກ​ຄົ້ນພົບ​ຖ້ຳສະ​ສົມ​ຄຳ​ພີ​ແລ້ວ,​ໃຕ້​ເງື່ອນ​ໄຂ​ທີ່​ຫຍຸ້ງຍາກ​ທີ່​ສຸດ,ນັກປາດ​ຈີນ​ງວດ​ໜຶ່ງ​ເລີ່​ມຄົ້ນຄວ້າ​ເອກະສານ​ໃນ​ຕຸ່ນ​ຮວງ. ປີ 1910 ປຶ້ມທີ່​ຄົ້ນຄວ້າ​ເອກະສານ​ຕຸ່ນ​ຮວງ​ໂດຍ​ຈຳ​ເພາະ​ງວດ​ທຳ​ອິດ​ຂອງ​ຈີນ​ໄດ້​ພິມ​ຈຳໜ່າຍ,ຈາກ​ນີ້ ວິທະຍາສາດ​ຕຸ່ນ​ຮວງ​ທີ່ຖືກ​ເອີ້ນ​ເປັນ”ວິທະຍາສາດທີ່​ມີ​ຊື່​ສຽງ”ຂອງ​ໂລກ​ໄດ້​ສ້າງຕັ້ງຂຶ້ນ. ​ໃນ​ເວລາຫຼາຍສິບ​ປີ​ມາ​ນີ້,ນັກປາດ​ຂອງ​ບັນດາ​ປະ​ເທດ​ໃນ​ໂລກ​ສົນ​ໃຈ​ນຳ​ສິລະ​ປະ​ຕຸ່ນ​ຮວງ​ທີ່​ສຸດ,​ໄດ້​ຄົ້ນຄວ້າ​ເລື້​ອຍໆ,ສ່ວນ​ໃນ​ດ້ານ​ຄົ້ນ
ຄວ້າ​ວິທະຍາສາດ​ຕຸ່ນ​ຮວງ​ນັ້ນ ນັກປາດ​ຈີນກໍ​ໄດ້​ຮັບ​ໝາກຜົນ​ທີ່​ມີ​ອິດ​ທິພົນ​ສູງ. ​ຄູຫາ​ໂມ້​ກ່າວ​ຕຸ່ນ​ຮວງໃນ​ຖານ​ເປັນ​ມິ່ງຂວັນ​​ແຫ່ງ​ວັດທະນະທຳ​ຈີນ,ລັດຖະບານ​ຈີນ​ໄດ້​ສຸດ​ທີ່​ເອົາ​ໃຈ​ໃສ່​ນຳ​ວຽກ​ງານ​ອະນຸລັກ​ໂດຍ​ຕະຫຼອດ. ປີ 1950 ລັດຖະບານ​ຈີນ​ໄດ້​ຈັດ​ເອົາ​ຄູຫາ​ໂມ້​ກ່າວ​ເປັນ​ຫົວໜ່ວຍ​ອະນຸລັກ​ວັດຖຸບູຮານ​ຈຸດ​ໜັກ​ລະດັບ​ຊາດ​ງວດ​ທຳ​ອິດ,ປີ 1987 ຄູຫາ​ໂມ້​ກ່າວ​ຖືກ​ອົງການ​ຢູ​ເນັສ​ໂກສະ​ຫະປະຊາ​ຊາດ​ຈັດ​ເຂົ້າ​ໃນ​ບັນຊີ​ລາຍ​ຊື່​ມໍລະດົກ​ວັດທະນະທຳ​ຂອງ​ໂລກ. ປັດຈຸບັນ,ຢູ່​ຕີນ​ພູ​ຊ່ານ​ເວ່​ເຊິ່ງ​ຕໍ່ໜ້າ​ຄູຫາ​ໂມ້​ກ່າວ,​ໄດ້​ສ້າງ​ສູນ​ວາງສະ​ແດງ​ສິລະ​ປະ​ຕຸ່ນ​ຮວງ,​ໄດ້​ລອກ​ແບບ​​ເຈາະ​ຄູຫາສ່ວນ​ໜຶ່ງ,ທັງ​ໄດ້​ອະນຸ
ລັກ​ວັດຖຸບູຮານ​ໃນ​ຄູຫາ,ທັງ​ໄດ້​​ເຮັດ​ໃຫ້​ຜູ້​ທ່ອງ​ທ່ຽວເຫັນໄດ້​​ເນື້ອ​ໃນ​ອຸດົມສົມບູນ​ຂຶ້ນ. ຜູ້​ທ່ອງ​ທ່ຽວ​ຕ່າງປະ​ເທດ​ໄດ້​ຕີ​ລາຄາ​ຕໍ່​ຄູຫາ​ໂມ້​ກ່າວ​ວ່າ: “ມັນ​​ແມ່ນ​ຄັງ​ສາງ​ປະ​ເສີດ​ທີ່​ຍິ່ງ​​ໃຫຍ່​ກວ່າ​ໝູ່​ດ້ານ​ສິລະ​ປະ​ພຸດທະ​ສາສະໜາ​ທີ່​ໄດ້​ຮັກສາ​ໄວ້​ໃນ​ໂລກ​ປັດຈຸບັນ.”