ໃນຕອນເຊົ້າວັນນີ້ ທີ 25 ກໍລະກົດ 2018 ຈາກຂໍ້ມູນ ເບື້ອງຕົ້ນພົບເຫັນຜູ້ເສຍຊີວິດແລ້ວ 19 ຄົນ ແລະ ຍັງມີຜູ້ສູນຫຼາຍຫຼາຍ 100 ຊີວິດທີ່ກຳລັງຄົ້ນຫາຢ່າງຂຸ້ນຂ້ຽວ.
​
ຂະນະທີ່ທ່ານເຈົ້າແຂວງອັດຕະປື ກໍ່ໄດ້ຊີ້ນຳຄະນະຊ່ວຍຜູ້ປະສົບໄພຕັ້ງແຕ່ຮຸ່ງເຊົ້າຂອງມື້ນີ້ ເພື່ອປັບປຸງແຜນການແບ່ງຫນ້າທີ່ຮັບຜິດຊອບແຕ່ລະເຂດໃຫ້ຄ່ອງຕົວ ລວມທັງການສ້ອມແປງການສັນຈອນ, ການເບິ່ງແຍງ ແລະ ອຳນວຍຄວາມສະດວກແກ່ຜູ້ປະສົບໄພຢ່າງທົ່ວເຖິງ.

ສ່ວນລະດັບນ້ຳເຊກອງໃນເວລາ 20 ໂມງ ວັນທີ 24/7/2018 ຜ່ານມາ ປາກົດວ່າລະດັບນໍ້າທີ່ສະຖານີແທກນໍ້າບ້ານເວີນແຄນ ບົກລົງ 79 ຊັງຕີແມັດ. ຫຼ້າສຸດໃນຕອນເຊົ້າຂອງມື້ນີ້ 25/7/2018 ລະດັບນໍ້າເຊກອງໃນເວລາ 6 ໂມງເຊົ້າມື້ນີ້ ນ້ຳໄດ້ບົກລົງ 12 ແມັດ 82 ຊັງຕີແມັດ.