ຕາມສະຖິຕິສະແດງໃຫ້ເຫັນວ່າ, ເຂດທົດລອງການຄ້າເສລີເຈີ້ຈ່ຽງສ້າງຕັ້ງຂຶ້ນໃນວັນທີ 1 ເມສາປີ 2017 ຢູ່ໂຈ່ວຊ່ານ.ນັບແຕ່ຂຶ້ນປ້າຍເປັນເຂດທົດລອງການຄ້າເສລີແຂວງເຈີ້ຈ່ຽງຄົບຮອບ 1 ປີມານີ້, ດ່ານພາສີໂຈ່ວຊານໄດ້ບໍລິການຕື່ມນ້ຳມັນປອດພາສີຫຼາຍກວ່າ 2 ລ້ານໂຕນ, ທຽບໃສ່ໄລຍະດຽວກັບຂອງປີ 2016 ເພີ່ມຂຶ້ນ 100%. ທ່າກຳປັ່ນຈີນກຳລັງກາຍເປັນ “ປ້ຳນ້ຳມັນທາງທະເລ” ສຳຄັນຂອງອາຊີຕາເວັນອອກ. ເພື່ອເພີ່ມຄວາມສາມາດສະໜອງນ້ຳມັນປອດພາສີ, ສ້າງດ່ານດັ່ງກ່າວໃຫ້ເປັນສູນສະໜອງນ້ຳມັນປອດພາສີອາຊີຕາເວັນອອກສຽງເໜືອ, ເຂດທົດລອງການຄ້າເສລີແຂວງເຈີ້ຈ່ຽງໄດ້ຕັ້ງໜ້າຄົ້ນຄວ້າກຳນົດມາດຕະການປະດິດສ້າງໃໝ່ 50 ກວ່າຂໍ້, ໄດ້ຍົກສູງປະສິດທິພາບການບໍລິການຂອງດ່ານຢ່າງຫຼວງຫຼາຍ.