ເວັບໄຊກາງເພື່ອການຊື້ຂາຍສັບພະສິນຄ້າຂອງງານວາງສະແດງສິນຄ້ານຳເຂົ້າສາກົນຈີນເລີ່ມເປີດບໍລິການຢ່າງເປັນທາງການ
cri2018-10-09 15:23:22
ວັນທີ 18 ເມສານີ້, ເວັບໄຊ້ກາງເພື່ອການຊື້ຂາຍສັບພະສິນຄ້າຂອງງານວາງສະແດງສິນຄ້ານຳເຂົ້າສາກົນຈີນແບບ "6 ວັນ+365 ວັນ" ເລີ່ມເປີດບໍລິການຢ່າງເປັນທາງການ. ຂະນະດຽວກັນນັ້ນ, ບໍລິສັດບໍລິການຊື້ຂາຍນຳເຂົ້າສາກົນຊຽງໄຮຈຳກັດກໍໄດ້ສ້າງຕັ້ງຂຶ້ນຢ່າງເປັນທາງການ. ນີ້ໝາຍຄວາມວ່າເວັບໄຊດັ່ງກ່າວເລີ່ມບໍລິການການຄ້ານຳເຂົ້າໃຫ້ແກ່ວິສາຫະກິດໃນທົ່ວໂລກຕະຫຼອດ 365 ວັນ, ແລະຍົກສູງຄວາມສາມາດການຈັດສັນຊັບພະຍາກອນໂລກຂອງງານສະແດງສິນຄ້ານຳເຂົ້າສາກົນຈີນ, ແລະສະແດງໃຫ້ເຫັນໂອກາດ "ຊື້ສິນຄ້າຈາກທົ່ວໂລກແລະຂາຍສິນຄ້າຕໍ່ທົ່ວໂລກ" ຂອງນະຄອນຊຽງໄຮ.
ຕາມຂ່າວແຈ້ງວ່າ, ການເປີດເວັບໄຊດັ່ງກ່າວແມ່ນເພື່ອສ້າງເວທີບໍລິການໃຫ້ແກ່ວິສາຫະກິດຕ່າງປະເທດທີ່ເຂົ້າຮ່ວມງານວາງສະແດງແລະນັກທຸລະກິດຈັດຊື້ສິນຄ້າໃນການວາງສະແດງສິນຄ້າແບບອ໋ອນລາຍແລະສ້າງໂອກາດຊື້ຂາຍຮ່ວມກັນ, ສາມາດແກ່ຍາວເວລາວາງສະແດງສິນຄ້າແລະເປີດກວ້າງການເຂົ້າເຖິງຜະລິດຕະພັນໃນງານວາງສະແດງ, ກາຍເປັນເວທີວາງສະແດງສິນຄ້ານຳເຂົ້າສາກົນຈີນທີ່ບໍ່ມີວັນປິດ.
