ຈັດພິທີນຳສະເໜີງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດຢູ່ມານີລາ
cri2018-10-09 14:44:06
ພິທີນຳສະເໜີງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດໄດ້ຈັດຂຶ້ນຢູ່ນະຄອນຫຼວງມານີລາປະເທດຟີລິບປິນໃນວັນທີ 15 ມີນານີ້ໂດຍມີຜູ້ຕາງໜ້າຈາກວົງການເສດຖະກິດການຄ້າແລະວົງການທຸລະກິດຈີນແລະຟີລິບປິນປະມານ 300 ຄົນເຂົ້າຮ່ວມ.
ທ່ານຈ້າວຈ້ຽນຮວາ ເອກອັກຄະລັດຖະທູດຈີນປະຈຳຟີລິບປິນກ່າວໃນພິທີດັ່ງກ່າວວ່າ: ໄປຄຽງຄູ່ກັບເສດຖະກິດຈີນພັດທະນາຢ່າງວ່ອງໄວແລະຊີວິດການເປັນຢູ່ຂອງປະຊາຊົນຈີນມີລະດັບນັບມື້ສູງຂຶ້ນ, ຄວາມຕ້ອງການສິນຄ້າຕ່າງປະເທດກໍເພີ່ມຂຶ້ນຢ່າງວ່ອງໄວເຊັ່ນກັນ. ຈີນຍິນດີເປີດຕະຫຼາດ ເພື່ອຮ່ວມກັບຄູ່ການຄ້າຕ່າງໆເຊິ່ງລວມທັງຟີລິບປິນຊົມໃຊ້ໂອກາດການພັດທະນາຂອງຈີນຮ່ວມກັນ, ດັ່ງນັ້ນ, ງານວາງສະແດງຄັ້ງນີ້ບໍ່ພຽງແຕ່ຈະສາມາດຊຸກຍູ້ການເຕີບໂຕດ້ານການຄ້າຈີນ-ຟີລິບປິນເທົ່ານັ້ນ,ຍັງສາມາດຊ່ວຍວິສາຫະກິດຟີລິບປິນໄດ້ຮັບຜົນປະໂຫຍດຈາກການພັດທະນາຂອງຈີນອີກດ້ວຍ.
ຂ່າວແຈ້ງຕື່ມວ່າ: ງານວາງສະແດງສິນຄ້ານຳເຂົ້າສາກົນຈີນຄັ້ງທຳອິດຈະຈັດຂຶ້ນຢູ່ສູນປະຊຸມສາກົນຊຽງໄຮແຕ່ວັນທີ 5-10 ພະຈິກປີ 2018 ນີ້ແລະຄາດວ່າ ຈະມີ 150 ຮ້ານຈາກວິສາຫະກິດຟີລິບປິນທີ່ຈະນຳເອົາຜະລິດຕະພັນກະສິກຳ,ອຸດສາຫະກຳປຸງແຕ່ງ,ອາໄລ່ຊິ້ນສ່ວນເອເລັກໂຕຣນິກ,ເຄື່ອງຫັດຖະກຳແລະອື່ນໆມາວາງສະແດງໃນງານດັ່ງກ່າວ.
