ຮອງນາຍົກຈີນເຂົ້າຮ່ວມກິດຈະກຳຊ້ອມຄວາມພ້ອມຂອງງານວາງສະແດງການນຳເຂົ້າສາກົນຈີນຄັ້ງທຳອິດ
cri2018-10-10 16:19:36
ການຊ້ອມໂດຍລວມຂອງງານວາງສະແດງການນຳເຂົ້າສາກົນຈີນຄັ້ງທຳອິດໄດ້ຈັດຂຶ້ນໃນວັນທີ 9 ຕຸລານີ້ຢູ່ນະຄອນຊຽງໄຮ. ທ່ານ ຫູຊຸ່ນຮວາ ກຳມະການກົມການເມືອງສູນກາງພັກກອມມູນິດຈີນ,ຮອງນາຍົກລັດຖະມົນຕີຈີນໄດ້ເຂົ້າຮ່ວມກິດຈະກຳທີ່ກ່ຽວຂ້ອງແລະໃຫ້ທິດຊີ້ນຳໂດຍຮຽກຮ້ອງໃຫ້ເອົາໃຈໃສ່ຈຸດສຳຄັນ,ປັບປຸງແຜນການໃຫ້ດີຂຶ້ນຢ່າງບໍ່ຢຸດຢັ້ງ,ຮັບປະກັນໃຫ້ກິດຈະກຳທາງການຕ່າງປະເທດທີ່ສຳຄັນແລະຍິ່ງໃຫຍ່ບໍ່ໃຫ້ມີຄວາມຜິດພາດ,ຮັບປະກັນການປ້ອງກັນຄວາມສະຫງົບໃຫ້ມີຄວາມລະອຽດຮອບຄອບເປັນຢ່າງດີ.ຜ່ານການຝຶກຊ້ອມນີ້ຄວນດຳເນີນການປະເມີນຜົນຢ່າງຮອບດ້ານຕໍ່ລະບົບບັນຊາການ,ກຳຈັດຈຸດບົກຜ່ອງແລະຈຸດບອດ,ຮັບປະກັນການປະສານງານດ້ານການບັນຊາການໃຫ້ມີປະສິດທິພາບ. ຄວນເພີ່ມທະວີການຕິດຕາມວຽກງານຕ່າງໆ,ຖ້າເກີດມີບັນຫາກໍຕ້ອງລາຍງານຄວາມຮັບຜິດຊອບຢ່າງເຂັ້ມງວດ.
ກ່ອນຈັດກິດຈະກຳຝຶກຊ້ອມ, ທ່ານ ຫູຊຸ່ນຮວາ ໄດ້ໄປກວດກາສະພາບການປົວແປງແລະການຈັດສັນສະຖານທີ່ປະຊຸມ.
