ໄຂກອງປະຊຸມໂຕະມົນຂອງອະທິການບໍດີໂຮງຮຽນວິຈິດສິນຈີນ-ອາຊຽນ
cri2018-10-26 15:05:18
ຕາມຂ່າວ CRI: ວັນທີ 25 ຕຸລານີ້ ກອງປະຊຸມໂຕະມົນຂອງອະທິການບໍດີໂຮງຮຽນວິຈິດສິນຈີນ-ອາຊຽນ 2018 ໄດ້ໄຂຂຶ້ນຢູ່ນະຄອນໜານນິງເຂດກວາງຊີ ສປ ຈີນ ພາຍໃຕ້ຫົວຂໍ້ຫຼັກ: ເສີມສ້າງຈິດໃຈເສັ້ນທາງສາຍໄໝ ຮ່ວມກັນສ້າງຄວາມຈະເລີນຮຸ່ງເຮືອງດ້ານສິນລະປະ. ຜູ້ຕາງໜ້າຈາກກະຊວງວັດທະນະທຳແລະທ່ອງທ່ຽວຈີນ, ສູນພັດທະນາການສຶກສາຊັ້ນສູງຂອງອົງການລັດຖະມົນຕີການສຶກສາອາຊຽນ, ກະຊວງຖະແຫຼງຂ່າ ວວັດທະນະທຳແລະການທ່ອງທ່ຽວ ສປປ ລາວ ແລະພະແນກສຶກສາທິການເຂດກວາງຊີພ້ອມກັບເຈົ້ານໜ້າທີ່ດ້ານວັດທະນະທຳແລະການສຶກສາຂອງຈຕີນແລະອາຊຽນ, ໂຮງຮຽນວິຈິດສິນ 7 ແຫ່ງຂອງຈີນ, ໂຮງຮຽນວິຈິດສິນ 15 ແຫ່ງຂອງບັນດາປະເທດອາຊຽນ, ກໍ່ຄື ຄະນະສິນລະປະຈາກບັນດາປະເທດອາຊຽນໄດ້ເຂົ້າຮ່ວມກອງປະຊຸມດັ່ງກ່າວ.
（ໄຂກອງປະຊຸມໂຕະມົນຂອງອະທິການບໍດີໂຮງຮຽນວິຈິດສິນຈີນ-ອາຊຽນ）
ໃນເວລາກ່າວຄຳເຫັນ, ທ່ານເຫີຢາເວນ ຫົວໜ້າພະແນກການສຶກສາຂອງກົມວິທະຍາສາດເຕັກນິກແລະການສຶກສາຂອງກະຊວງວັດທະນະທຳແລະການທ່ອງທ່ຽວຈີນຊີ້ອອກວ່າ, ຢູ່ຕໍ່ໜ້າໂອກາດໃໝ່ໃນຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ, ຢູ່ຕໍ່ໜ້າຄວາມຕ້ອງການຕົວຈິງໃນການສ້າງເສັ້ນທາງສາຍໄໝທາງທະເລໃນສັດຕະວັດທີ 21, ອົງການຈັດຕັ້ງວັດທະນະທຳຈີນແລະອາຊຽນຄວນລົງເລິກການແລກປ່ຽນແລະຮ່ວມມືກັນຕື່ມອີກ ເພື່ອສ້າງການພົວພັນທີ່ແໜ້ນແຟ້ນກວ່າເກົ່າ.
ຜູ້ຕາງຈາກກະຊວງຖະແຫຼງຂ່າວ ວັດທະນະທຳແລະການທ່ອງທ່ຽວລາວໄດ້ກ່າວຄຳເຫັນ ໂດຍຊີ້ອອກວ່າ, ໂຮງຮຽນວິຈິດສິນຂອງຈີນສາມາດເຜີຍແຜ່ວັດທະນະທຳຈີນໃຫ້ບັນດາປະເທດອາຊຽນໂດຍຜ່ານສະຫະພັນໂຮງຮຽນວິຈິດສິນຈີນ-ອາຊຽນ, ໂຮງຮຽນວິຈິດສິນຂອງບັນດາປະເທດອາຊຽນກຳສາມາດແນະນຳໃຫ້ຈີນຮູ້ກ່ຽວກັບແນວຄິດ ວັດທະນະທຳຂອງປະເທດຕົນເຊັ່ນກັນ. ໃນຕໍ່ໜ້ານີ້ ພາກສ່ວນວັດທະນະທຳ ແລະໂຮງຮຽນວິຈິດສິນຂອງລາວຈະຮ່ວມກັບຈີນຈັດຊຸດຝຶກອົບຮົມໄລຍະສັ້ນແລະຍາວ, ຮ່ວມກັນບົ່ມສ້າງຄວາມສາມາດຂອງຊັບພະຍາກອນມະນຸດດ້ວຍຮູບການທີ່ແລກປ່ຽນກັນດ້ານເຕັກນິກ.
ທ່ານໂລຢ້າວກວງ ຫົວໜ້າຫ້ອງການພົວພັນກັບຕ່າງປະເທດຂອງພະແນກສຶກສາທິການເຂດກວາງຊີຊີ້ອອກວ່າ, ພະແນກສຶກສາທີການຂອງກວາງຊີສຸດທິເອົາໃຈໃສ່ນຳການແລກປ່ຽນແລະຮ່ວມມືກັບບັນດາປະເທດອາຊຽນ, ສະຖາບັນວິຈິດສິນກວາງຊີມີຄວາມສາມາດສູງ, ສາມາດເສີມຂະຫຍາຍບົດບາດທີ່ສຳຄັນທີ່ສຸດໃນດ້ານການຊຸກຍູ້ການແລກປ່ຽນລະຫວ່າງກວາງຊີກັບບັນດາປະເທດອາຊຽນໃນດ້ານການສຶກສາສິນລະປະວັດທະນະທຳແລະການສຶກສາຊັ້ນສູງ. ພະແນກສຶກສາທິການກວາງຊີຈະອອກແຮງສະໜັບສະໜູນການສ້າງເປັນສູນຝຶກອົບຮົມສິນລະປະຈີນ-ອາຊຽນ, ເພື່ອໃຫ້ກາຍເປັນແຫຼ່ງແຫ່ງການແລກປ່ຽນແລະຮ່ວມມືດ້ານການສຶກສາສາກົນລະຫວ່າງຈີນ-ອາຊຽນ.
（ທ່ານຊ້າຍຊາງໂຈ ປະກອບຄຳຄິດຄຳເຫັນ）
ທ່ານຊ້າຍຊາງໂຈ ເລຂາຄະນະພັກສະຖາບັນວິຈິດສິນກວາງຊີໄດ້ຊີ້ອອກວ່າ, ຢູ່ລະຫວ່າງຈີນກັບອາຊຽນມີຫຼາຍດ້ານໜ້າຈະຮ່ຳຮຽນເຊິ່ງກັນແລະກັນ ແລະຖອດຖອນບົດຮຽນກັນ, ແລະກໍມີຫຼາຍຂົງເຂດທີ່ສາມາດລົງເລິກການຮ່ວມມແລະຄົ້ນຄວ້ານຳກັນ.
ທ່ານຈັນທະວີ ສຸເຈຍພະນົງ ຫົວໜ້າສູນການພັດທະນາການສຶກສາລະດັບສູງຂອງອົງການລັດຖະມົນຕີການສຶກສາຂອງອາຊຽນໄດ້ສະຫຼຸບໃນກອງປະຊຸມ ໂດຍຊີ້ອອກວ່າ, ພາຍໃຕ້ສະຖານະການໃໝ່ໃນປະຈຸບັນ, ຈີນແລະອາຊຽນມີຄວາມຈຳເຫັນທີ່ລົງເລິກການແລກປ່ຽນດ້ານວັດທະນະທຳແລະສິນລະປະລະຫວ່າງກັນ, ເພີ່ມທວະການຮ່ວມມືແລະຄົ້ນຄວ້າໃນຂົງເຂດວັດທະນະທຳ, ສິນລປະປະແລະວິຊາການ, ຊຸກຍູ້ຄວາມເຂົ້າໃຈກັນແລະຖອດຖອນບົດຮຽນເຊິ່ງກັນແລະກັນລະຫວ່າງຊົນຊາດທີ່ຕ່າງກັນແລະພາສາທີ່ຕ່າງກັນ.
(ຜູ້6າງໜ້າບຼູໄນປະກອບຄຳຄິດຄຳເຫັນ)
ຜູ້ຕາງໜ້າຕ່າງໆຈາກພາກສ່ວນຕ່າງໆຂອງຈີນແລະອາຊຽນໄດ້ປະກອບຄຳຄິດຄຳເຫັນກັນ ໂດຍເຫັນວ່າ, ຄວນເຮັດໃຫ້ການແລກປ່ຽນດ້ານວັດທະນະທຳແລະສິນລະປະລະຫວ່າງຈີນ-ອາຊຽນມີຄວາມຫຼາກຫຼາຍຂຶ້ນຕື່ມ ເພື່ອຊຸກຍູ້ການເຊື່ອມໂຍງເຂົ້າກັນລະຫວ່າງສອງຝ່າຍແລະຫຼາຍຝ່າຍ,ຊຸກຍູ້ຂົງເຂດການສຶກສາວັດທະນະທຳແລະສິນລະປະມີການຮ່ວມມືກັນແລະໄດ້ຮັບຜົນປະໂຫຍດເຊິ່ງກັນແລະກັນ, ຄວນຕອບສະໜອງການຮຽກຮ້ອງຂອງການຮ່ວມມືດ້ານສຶກສາໃນຂອບ ໜຶ່ງແລວໜຶ່ງເສັ້ນທາງ, ເພີ່ມທະວີການຮ່ວມມືກັນດ້ານສິນລະປະວັດທະນະທຳແລະບຸກຄະລາກອນລະຫວ່າງບັນດາປະເທດຢູ່ລຽບຕາມເສັ້ນທາງດັ່ງກ່າວ.
