ກອງປະຊຸມສຳມະນາສາກົນພາຍໃຕ້ຫົວຂໍ້ “ 40 ປີແຫ່ງການປະຕິຮູບແລະເປີດປະຕູສູ່ພາຍນອກຂອງຈີນ: ທົບທວນແລະວິໄສທັດ” ໄດ້ຈັດຂຶ້ນຢູ່ນະຄອນຫຼວງຮ່າໂນ້ຍ ປະເທດຫວຽດນາມໃນວັນທີ 30 ຕຸລານີ້, ຊ່ຽວຊານແລະນັກວິຊາການຈີນແລະຫວຽດນາມໄດ້ແລກປ່ຽນແລະຖອດຖອນບົດຮຽນກ່ຽວກັບການປະຕິຮູບແລະການປ່ຽນແປງໃໝ່ຂອງສອງປະເທດ.
ທ່ານຫງວຽນກວາງຕວນ ປະທານສະຖາບັນວິທະຍາສາດສັງຄົມຫວຽດນາມກ່າວວ່າ: ຜ່ານໄລຍະການປະຕິຮູບແລະເປີດປະຕູສູ່ພາຍນອກເປັນເວລາ 40 ປີ, ຈີນໄດ້ຮັບຜົນສຳເລັດອັນຍິ່ງໃຫຍ່ໃນດ້ານການສ້າງສາພັດທະນາເສດຖະກິດສັງຄົມ, ເຊື່ອໝັ້ນວ່າ ຈີນຈະສາມາດບັນລຸເປົ້າໝາຍສູ້ຊົນເມື່ອຮອດປີ 2035ໃຫ້ບັນລຸການຫັນເປັນທັນສະໄໝສັງຄົມນິຍົມໂດຍພື້ນຖານ, ຮອດກາງສະຕະວັດທີ 21 ໃຫ້ເປັນປະເທດສັງຄົມນິຍົມທັນສະໄໝທີ່ເຂັ້ມແຂງ. ການຫວຽດນາມ-ຈີນເພີ່ມທະວີການແລກປ່ຽນຮ່ຳຮຽນແລະຖອດຖອນບົດຮຽນເຊິ່ງກັນແລະກັນນັ້ນຈະມີຄວາມໝາຍສຳຄັນດ້ານທິດສະດີແລະການປະຕິບັດຕົວຈິງໃນການຊຸກຍູ້ພາລະກິດປະຕິຮູບແລະປ່ຽນແປງໃໝ່ຕື່ມອີກ.
ກອງປະຊຸມຄັ້ງນີ້ຈັດຂຶ້ນໂດຍສະຖານທູດຈີນປະຈຳຫວຽດນາມແລະສະຖາບັນຈີນຂຶ້ນກັບສະຖາບັນວິທະຍາສາດສັງຄົມຫວຽດນາມເປັນເຈົ້າພາບຮ່ວມ, ພະນັກງານສະຖານທູດຈີນປະຈຳຫວຽດນາມ, ຊ່ຽວຊານແລະນັກວິຊາການຈີນແລະຫວຽດນາມແລະແຂກຖືກເຊີນທ່ານອື່ນໆປະມານ 100 ຄົນເຂົ້າຮ່ວມ.