ຈີນຈະສະໜອງການບໍລິການການນຳທາງໃຫ້ແກ່ປະເທດແລະເຂດແຄວ້ນລຽບຕາມ “ໜຶ່ງແລວໜຶ່ງເສັ້ນທາງ” ຢ່າງເປັນທາງການ
cri2018-11-19 10:37:35
ຄຽງຄູ່ກັບດາວທຽມສອງດວງຂອງລະບົບເປີຍໂຕວຖືກສົ່ງຂຶ້ນສູ່ອະວະກາດຢູ່ຖານສົ່ງດາວທຽມຊີ່ຊ່າງໃນຕອນຮຸ່ນເຊົ້າວັນວັນທີ 19 ພະຈິກນີ້, ຈີນໄດ້ສຳເລັດການປະກອບລະບົບດາວທຽມເປີຍໂຕວ 3 ໃນຂັ້ນພື້ນຖານແລ້ວ.
ທ່ານຢາງສາງເຟີງ, ນັກອອກແບບໃຫຍ່ຂອງລະບົບນຳທາງດາວທຽມເປີຍໂຕວຈີນກ່າວວ່າ, ລະບົບພື້ນຖານເປີຍໂຕວ 3 ຈະສາມາດນຳໃຊ້ຢ່າງເປັນທາງການໃນທ້າຍປີນີ້, ແລະສະໜອງການບໍລິການນຳທາງພື້ນຖານໃຫ້ແກ່ປະເທດແລະເຂດແຄວ້ນລຽບຕາມ “ໜຶ່ງແລວໜຶ່ງເສັ້ນທາງ”, ເຊິ່ງເປັນການຢວ່າງ “ບາດກ້າວສຳຄັນ” ທີ່ພັດທະນາຈາກພາກພື້ນໄປສູ່ທົ່ວໂລກ.
ລະບົບນຳທາງເປີຍໂຕວແມ່ນໜຶ່ງໃນຜົນງານສຳຄັນທີ່ຈີນໄດ້ຮັບໃນການປະຕິຮູບແລະເປີດປະຕູສູ່ພາຍນອກຕະຫຼອດໄລຍະ 40 ປີຜ່ານມາ, ໂດຍຈະສ້າງລະບົບນຳທາງທົ່ວໂລກທີ່ປະກອບດ້ວຍດາວທຽມເປີຍໂຕວ 30 ກວ່າດວງກ່ອນທ້າຍປີ 2020 ແລະບໍລິການທົ່ວໂລກ.
