ກວາງຊີພະຍາຍາມສ້າງບ້ານເຜົ່າຈ້ວງທີ່ມີສະເໜ່
CRI2018-12-03 14:47:15
ເຂດປົກຄອງຕົນເອງເຜົ່າຈ້ວງກວາງຊີເປັນເຂດປົກຄອງຕົນເອງທີ່ມີປະຊາກອນຊົນເຜົ່າສ່ວນໜ້ອຍຫຼາຍທີ່ສຸດຂອງຈີນ ແລະ ປະຊາຊົນເຜົ່າຕ່າງໆໄດ້ສ້າງວັດທະນະທຳທີ່ມີຫຼາກຫຼາຍສີສັນ ແລະ ອຸດົມສົມບູນ. ນັບແຕ່ໄດ້ສ້າງເປັນເຂດປົກຄອງຕົນເອງ 60 ປີ ແລະ ໂດຍສະເພາະແມ່ນນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ເຂດກວາງຊີໄດ້ເພີ່ມທະວີໃນການປົກປັກຮັກສາມໍລະດົກວັດທະນະທຳນາມມະທຳ, ຊຸກຍູ້ການພັດທະນາຂອງຂະແໜງການວັດທະນະທຳ ແລະ ເຮັດໃຫ້ມູນເຊື້ອວັດທະນະທຳຊົນເຜົ່າມີຊີວິດຊີວາຍິ່ງຂຶ້ນ.
ໃນຫຼາຍປີມານີ້, ເຂດກວາງຊີໄດ້ຊ່ວຍເຫຼືອຜູ້ສືບທອດວັດທະນະທຳນາມມະທຳເພງພື້ນເມືອງເຜົ່າຈ້ວງໃນລະດັບຊາດຢ່າງສຳເລັດຜົນ ລວມທັງເທດສະການຮ້ອງເພງເຜົ່າຈ້ວງ ແລະ ອື່ນໆ ພ້ອມທັງວຽກງານບັນທຶກສີມືກໍ່ສ້າງອາຄານໄມ້ເຜົ່າຕຸ້ງເປັນດີຈີຕອນກໍສຳເລັດເຊັ່ນກັນ. ນອກນີ້, ຍັງໄດ້ຊ່ວຍເຫຼືອຜູ້ສືບທອດເຜົ່າຕ່າງໆທີ່ເປັນຕົວແທນເພື່ອບັນທຶກວັດທະນະທຳນາມມະທຳຕ່າງໆ. ມາຮອດເດືອນຕຸລາປີນີ້, ໄດ້ເກັບກຳຮູບພາບ 18.000 ແຜ່ນ, ວິດິໂອ 1.400 ຊົ່ວໂມງ ແລະ ຕົວໜັງສື 192.000 ກວ່າໂຕ ເພື່ອສ້າງເປັນຄັງຂໍ້ມູນມູນເຊື້ອວັດທະນະທຳຊົນເຜົ່າທີ່ດີງາມຂອງເຂດກວາງຊີ.
ມາຮອດເດືອນຕຸລາປີນີ້, ລວມທັງໝົດແລ້ວ, ເຂດກວາງຊີມີລາຍການມໍລະດົກວັດທະນະທຳນາມມະທຳລະດັບຊາດ 50 ລາຍການ ເຊັ່ນ: ເພງລິວຊ່ານເຈ໋ຍ, ເພງເຜົ່າຕຸ້ງ ແລະ ອື່ນໆ, ລະດັບເຂດປົກຄອງຕົນເອງ 618 ລາຍການ, ລະດັບນະຄອນ 1.039 ລາຍການ ແລະ ລະດັບເມືອງ 2.561 ລາຍການ.
