ວັນ​ທີ 6 ທັນວາ​ນີ້, ຜູ້​ຕ້ອງ​ຫາ​ຕົ້ມ​ຕົວະ​ຫຼອກ​ລວງ​ທາງ​​ໂທລະ​ຄົມທີ່​ປອມ​ຕົວ​ເປັນ​ພະນັກງານ​ພະ​​​ແນ​ກປ້ອງ​ກັນ​ຄວາມ​ສະຫງົບ, ​ໄອ​ຍະ​ການ ​ແລະ​ສານ​ຈີນ 233 ຄົນ​ໄດ້​ຖືກ​ຄຸມ​ຕົວສົ່ງ​ກັບ​ຄືນ​ປະ​ເທດ​ໂດຍ​ຕຳຫຼວດ​ຈີນ. ​ໃນ​ເດືອນ​ຕຸ​ລາ​ຜ່ານ​ມາ​, ກະຊວງປ້ອງ​ກັນ​ຄວາມ​ສະຫງົບ​ຈີນ​ໄດ້​ສົ່ງ​ໜ່ວຍ​ງານ​ທີ່​ປະກອບ​ດ້ວຍ​ຕຳຫຼວດ​ແຂວງ​ກວາງ​ຕຸ່ງ​ເດີນທາງ​ໄປ​ກຳ​ປູ​ເຈຍ​ເພື່ອ​ດຳ​ເນີນ​ການ​ຮ່ວມ​ມື​ຕ້ານ​ການ​ຕົ້ມ​ຕົວະ​ຫຼອກ​ລວງ​ທາງ​ໂທລະ​ຄົມ. ພາຍ​ໃຕ້​ການ​ສະໜັບສະໜູນ ​ແລະ​ປະສານ​ງານ​ຂອງ​ສະຖານ​ທູດ​ຈີນ​ປະຈຳ​ກຳປູ​ເຈຍ, ຕຳຫຼວດ​ຈີນ ​ແລະ​ກຳປູ​ເຈຍ​ໄດ້ຮ່ວມຈັບ​ກຸມ​ກຸ່ມ​ຕົ້ມ​ຕົວະຢູ່ 3 ​ແຫ່ງ ​ແລະ​ຈັບ​ຜູ້​ຕ້ອງ​ຫາ 233 ຄົນ, ມ້າງ​ຄະດີຫຼາຍ​ກວ່າ 2000 ລາຍ​ທີ່​ມີມູນ​ຄ່າຫຼາຍ​ກວ່າ 63 ລ້ານ​ຢວນ.