ເຂດກວາງຊີສ້າງຖານການຄ້າເອເລັກໂຕຣນິກຂ້າມຊາດຈີນ-ອາຊຽນ
cri2018-12-14 16:58:33
ວັນທີ 13 ທັນວານີ້, ທ່ານເມີງເວີນຫູ ຮອງເລຂາທິການໃຫຍ່ອົງການປົກຄອງນະຄອນນານນິງເຂດກວາງຊີກ່າວວ່າ, ນະຄອນນານນິງຈະເນັ້ນໜັກກ່ຽວກັບຂະແໜງການດີເດັ່ນແລະສຳຄັນ, ອີງຕາມເຂດທົດລອງສັງລວມການຄ້າເອເລັກໂຕຣນິກຂ້າມຊາດ(ນານນິງ)ຈີນ, ແມ່ນພັດທະນາຂະແໜງການການຄ້າເອເລັກໂຕຣນິກຂ້າມຊາດໃຫ້ເຂັ້ມແຂງ, ສ້າງຊ່ອງທາງການຄ້າໃໝ່ທີ່ບຸກທະລຸດ້ານຕາເວັນຕົກສຽງໃຕ້ຂອງຈີນແລະບໍລິການອາຊຽນ.
ນະຄອນນານນິງໄດ້ຮັບອະນຸມັດເປັນເຂດທົດລອງສັງລວມການຄ້າເອເລັກໂຕຣນິກຂ້າມຊາດຄັ້ງທຳອິດຂອງຈີນເມື່ອເດືອນກໍລະກົດປີນີ້, ທ່ານເມີງເວີນຫູ ກ່າວວ່າ, ເຂດທົດລອງສັງລວມການຄ້າເອເລັກໂຕຣນິກຂ້າມຊາດ(ນານນິງ)ຈີນໄດ້ສຳເລັດວຽກງານໄລຍະຕົ້ນຕ່າງໆແລ້ວ, ຈະເລີ່ມເປີດບໍລິການໃນວັນທີ 15 ທັນວານີ້, ຮອດເວລານັ້ນຈະມີກຸ່ມບໍລິສັດ FTZCOC, ບໍລິສັດອິນເຕີເນັດຈົ່ງຕ້າເມີນແລະບໍລິສັດອື່ນໆເຊິ່ງເປັນວິສາຫະກິດການຄ້າເອເລັກໂຕຣນິກຂ້າມຊາດເຂົ້າປະຈຳການຢູ່ນະຄອນນານນິງ.
ປັດຈຸບັນ, ນະຄອນນານນິງຖືນິຄົມການຄ້າເອເລັກໂຕຣນິກຂ້າມຊາດ(ນານນິງ)ຈີນເປັນໃຈກາງ, ໂດຍໄດ້ສ້າງເຂດຂະແໜງການການຄ້າເອເລັກໂຕຣນິກໄລຍະທີໜຶ່ງເຊັ່ນ: ສູນການຄ້າຂ້າມຊາດນານນິງ, ເຂດນິຄົມການຄ້າເອເລັກໂຕຣນິກຂ້າມຊາດນານນິງແລະອື່ນໆ, ລະບົບເຂດນິຄົມສັງລວມການຄ້າເອເລັກໂຕຣນິກຂ້າມຊາດທີ່ມຸ້ງໜ້າສູ່ອາຊຽນໄດ້ເປັນຮູບເປັນຮ່າງຂຶ້ນເທື່ອລະກ້າວ.
