ຈີນຈັດການສຳມະນາທິດສະດີເພື່ອສະເຫຼີມສະຫຼອງການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ
cri2018-12-25 11:08:32
ການສຳມະນາທິດສະດີເພື່ອສະເຫຼີມສະຫຼອງການປະຕິຮູບແລະເປີດປະຕູສູ່ພາຍນອກຄົບຮອບ 40 ປີໄດ້ໄຂຂຶ້ນຢູ່ນະຄອນຫຼວງປັກກິ່ງແຕ່ວັນທີ 23-24 ທັນວານີ້. ຕອນເຊົ້າວັນທີ 24 ທັນວານີ້, ທ່ານວາງຮູ້ນິງ ກຳມະການປະຈຳກົມການເມືອງສູນກາງພັກ,ເລຂາທິການ ສູນກາງພັກກອມມູນິດຈີນໄດ້ກ່າວປາໄສໃນກອງປະຊຸມດັ່ງກ່າວ.
ການສຳມະນາທິດສະດີຄັ້ງນີ້ເປັນໜຶ່ງໃນກິດຈະກຳສຳຄັນຕ່າງໆເພື່ອສະເຫຼີມສະຫຼອງການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ. ໃນໄລຍະກອງປະຊຸມ, ບັນດາຜູ້ແທນໄດ້ແລກປ່ຽນຄວາມຄິດຄວາມເຫັນຢ່າງເຕັມທີ່ໂດຍປິ່ນອ້ອມການເຊື່ອມຊຶມບົດປາໄສສຳຄັນຂອງທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ເຊິ່ງໄດ້ລົງເລິກຄວາມເຂົ້າໃຈຕໍ່ຄວາມໝາຍສຳຄັນແລະຜົນສະທ້ອນອັນເລິກເຊິ່ງຍາວນານຂອງກອງປະຊຸມຄົບຄະນະເທື່ອທີ 3 ຂອງຄະນະກຳມະການສູນກາງພັກສະໄໝທີ 11, ລົງເລິກຄວາມເຂົ້າໃຈຕໍ່ຂະບວນວິວັດອັນໂດດເດັ່ນສະຫງ່າງາມ,ຜົນສຳເລັດທີ່ຍິ່ງໃຫຍ່, ບົດຮຽນອັນປະເສີດແລະຂໍ້ຄິດທີ່ດີຈາກພຶດຕິກຳການປະຕິຮູບແລະເປີດປະຕູສູ່ພາຍນອກຄົບຮອບ 40 ປີ, ລົງເລິກຄວາມເຂົ້າໃຈຕໍ່ການຊູຄັນທຸງການປະຕິຮູບແລະເປີດປະຕູສູ່ພາຍນອກໃຫ້ສູງຂຶ້ນ ແລະນຳພາການປະຕິຮູບແລະເປີດປະຕູສູ່ພາຍນອກໃນຍຸກໃໝ່ໃຫ້ຂະຫຍາຍຕົວເຂົ້າສູ່ລວງເລິກ, ກຳນົດຢ່າງຈະແຈ້ງກ່ຽວກັບໜ້າທີ່ປະຫວັດສາດຂອງຜູ້ເຮັດວຽກງານທິດສະດີ.
ທ່ານຮວງຄຸ່ນມິງ ກຳມະການກົມການເມືອງສູນກາງພັກ,ຫົວໜ້າຄະນະໂຄສະນາສູນກາງພັກກອມມູນິດຈີນເປັນປະທານຂອງກອງປະຊຸມຄັ້ງນີ້.
