ພິ​ທີ​ສວນ​ສະ​ໜາມທາງ​ທະ​ເລ​ເພື່ອ​ສະ​ເຫຼີມ​ສະຫຼອງວັນ​ສ້າງ​ຕັ້ງ​ກອງ​ທັບ​ເຮືອ​ ກອງ​ທັບ​ປົດ​ປ່ອຍ​ປະ​ຊາ​ຊົນ​ຈີນ​ຄົບ​ຮອບ 70 ປີ​ໄດ້​ຈັດ​ຂຶ້ນ​ຢູ່​ເຂດ​ທະ​ເລ​ແລະ​ນ່ານ​ຟ້າໃກ້​ນະ​ຄອນ​​ຊິ່ງ​ຕາວ ແຂວງ​ຊ່ານ​ຕຸ້ງ ໃນ​ວັນ​ທີ 23 ເມ​ສາ​ນີ້ ໂດຍ ກຳ​ປັ່ນ​ຮົບ, ຍົນ​ສູ້​ຮົບ​ຂອງກອງ​ທັບ​ເຮືອ​ຈີນ​ພ້ອມ​ດ້ວຍ​ກຳ​ປັ່ນ 18 ລຳ​ຂອງ 13 ປະ​ເທດ​ທີ່​ເດີນ​ທາງ​ມາ​ເຂົ້າ​ຮ່ວມ​ພິ​ທີ​ສວນ​ສະ​ໜາມ​ທາງ​ທະ​ເລ​ນັ້ນ​​ກໍ​ໄດ້ເຂົ້າ​ຮ່ວມ. ໃນ​ນີ້, ກຳ​ປັ່ນ​ບັນ​ທຸກ​ເຮືອ​ບິນ, ເຮືອ​ດຳ​ນ້ຳ, ກຳ​ປັ່ນ​ໂຈມ​ຕີ,ກຳ​ປັ່ນ​ຄຸ້ມກັນ,ກຳ​ປັ່ນ​ສະ​ເທືອນ​​ນ້ຳ​ສະ​ເທືອນ​​ບົກ​ພ້ອມ​ກຳ​ປັ່ນ​ປະ​ສານ​ງານ​ຂອງກອງ​ທັບ​ເຮືອ​ຈີນ​ໄດ້​​ຈັດ​ຂະ​ບວນ​ສວນ​ສະ​ໜາມ​ທ່າມ​ກາງ​ໝອກ​ບາງໆ​ເທິງ​ທະ​ເລ​ຍິ່ງ​ສະ​ແດງ​ໃຫ້​ເຫັນ​ຄວາ​ມ​ ສະ​ຫງ່າ​ຜ່າ​ເຜີຍ​ຂອງ​ການ​ສວນ​ສະ​ໜາມ.