ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພຶດສະພານີ້, ກິດຈະກຳໂຄສະນາສາທາລະນະປະໂຫຍດ “ແຜນການສາຍຮຸງ” ໄດ້ຈັດຂຶ້ນຢູ່ໂຮງໝໍເດັກນ້ອຍປັກກິ່ງ, ເດັກນ້ອຍທີ່ພະຍາດກ່ຽວກັບເລືອດໄດ້ຮ້ອງເພງ, ເຕັ້ນລຳ, ສະແດງກັງຟູ ແລະ ຮຽນສິລະປະຕັດເຈ້ຍ ຢ່າງເບີກບານມ່ວນຊື່ນ ແລະ ໄດ້ຮັບຂອງຂວັນອີກ. “ແຜນການສາຍຮຸງ” ໄດ້ເອົາໃຈໃສ່ເດັກນ້ອຍທີ່ເປັນພະຍາດກ່ຽວກັບເລືອດ, ຊ່ວຍເຂົາເຈົ້າບັນລຸຄວາມປາຖະໜາຂອງຕົນໃນໂອກາດວັນເດັກນ້ອຍສາກົນໃກ້ຈະໝູນວຽນມາເຖິງ. ໃນ 10 ປີຜ່ານມາ, ກິດຈະກຳດັ່ງກ່າວໄດ້ພັດທະນາກາຍເປັນໂຄງການເພື່ອສາທາລະນະປະໂຫຍດຂອງສະພາກາແດງນະຄອນຫຼວງປັກກິ່ງ, ໃນຊຸມປີຜ່ານມາ, ກິດຈະກຳດັ່ງກ່າວໄດ້ຮັບການເຜີຍແຜ່ຢ່າງກວ້າງຂວາງເປັນບໍລິເວນກວ້າງລວມທັງນະຄອນຫຼວງປັກກິ່ງ, ນະຄອນທຽນສິນ ແລະ ແຂວງເຫີເປີຍ ເຊິ່ງເຮັດໃຫ້ເດັກນ້ອຍຜູ້ໄດ້ຮັບຜົນປະໂຫຍດຂະຫຍາຍວົງກວ້າງອອກຢ່າງບໍ່ຢຸດຢັ້ງ.
ຄຳເຫັນ
0