ວັນ​ທີ 23 ມິ​ຖຸ​ນາ​ນີ້, ຮ້ານ​ຂາຍ​ປຶ້ມ “ຈົ່ງ​ຊູ​ເກີ” ສາ​ຂາ​ປັກ​ກິ່ງ​ຮ້ານ​ທຳ​ອິດ ​ຢູ່ສູນ​ການ​ຄ້າ​ຂໍ້​ມູນ​ຂ່າວ​ສານຢົງ​ເຄີ່​ປັກ​ກິ່ງ​ໄດ້​ເປີດໃຫ້​ບໍ​ລິ​ການ​ຢ່າງ​ເປັນ​ທາງ​ການ​ແລ້ວ. ຮ້ານ​ຂາຍ​ປຶ້ມ“ຈົ່ງ​​ຊູ່ເກີ” ໄດ້​ຮັບ​ການ​ຄັດ​ເລືອກ​ຈາກ​ສະ​ມາ​ຄົມ​ການ​ພິມ​ຈຳ​ໜ່າຍ​ປຶ້ມ​ແລະ​ວາ​ລະ​ສານ​ຈີນໃຫ້​ເປັນ “ຮ້ານ​ຂາຍ​ປຶ້ມ​ທີ່​ສວຍ​ງາມ​ທີ່​ສຸດ​ຂອງ​ຈີນ”, ແລະ​ຍັງ​ໄດ້​ຮັບ​ລາງວັນ​ດ້ານ​ການ​ອອກ​ແບບ​ລະ​ດັບ​ສາ​ກົນ 10 ກວ່າ​ຄັ້ງ, ມາ​ເຖິງ​ປັດ​ຈຸ​ບັນ, ຮ້ານ​ດັ່ງ​ກ່າວ​ໄດ້​ເປີດ​ສາ​ຂາ​ໃນ​ຂອບ​ເຂດ​ທົ່ວ​ປະ​ເທດ​ຈີນ 17 ຮ້ານ​ແລ້ວ. ສຳ​ລັບ​ມື້​ເປີດ​ຮ້ານ​ສາ​ຂາ​ປັກ​ກິ່ງ, ມີ​ລູກ​ຄ້າ​ມາ​ອຸດ​ໜູນ​ຢ່າງ​ບໍ່​ຂາດ​ສາຍ ຈົນ​ທາງ​ຮ້ານ​ຂາຍ​ປຶ້ມ​ຕ້ອງ​ໃຊ້​ມາດ​ຕະ​ການ​ຈຳ​ກັດ​ຜູ້​ເຂົ້າ​ຮ້ານ​ເພື່ອ​ຮັບ​ປະ​ກັນ​ຄວາມ​ເປັນ​ລະ​ບຽບ​ຮຽບ​ຮ້ອຍ​ຂອງ​ຮ້ານ.