ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ມີນານີ້, ທ່ານອະນຸທິນ ຊານວີຣະກູນ ຮອງນາຍົກລັດຖະມົນຕີທັງເປັນລັດຖະມົນຕີກະຊວງສາທາລະນະສຸກໄທກ່າວວ່າ: ກອງປະຊຸມຄະນະກຳມະການພະຍາດຕິດແປດແຫ່ງລັດທີ່ຈັດຂຶ້ນໃນມື້ດຽວກັນໄດ້ຮັບຮອງມະຕິວ່າດ້ວຍການເຮັດ “ ໃບຢັ້ງຢືນການສັກວັກຊີນ” ແລະຫຼຸດໄລຍະເວລາກັກບໍລິເວນເພື່ອປ້ອງກັນພະຍາດໃນເວລາເຂົ້າເມືອງໄທ, ເອກະສານສະບັບນີ້ຈະສົ່ງໃຫ້ສູນຄຸ້ມຄອງສະພາບພະຍາດໂຄວິດ-19 ຂອງລັດຖະບານພິຈາລະນາ, ຖ້າຄະນະລັດຖະບານອະນຸມັດກໍຈະຈັດຕັ້ງປະຕິບັດໃນທັນທີ.
ນອກນີ້, ກະຊວງສາທາລະນະສຸກຍັງໄດ້ສະເໜີວ່າເລີ່ມແຕ່ເດືອນເມສາປີນີ້ເປັນຕົ້ນໄປ, ຫຼຸດໄລຍະເວລາກັກບໍລິເວນຂອງບຸກຄົນທີ່ໄດ້ສັກວັກຊີນແລ້ວໃນເວລາເຂົ້າເມືອງ, ຄົນຕ່າງປະເທດທີ່ໄດ້ສັກວັກຊີນໂຄວິດ-19 ເປັນເວລາ 14 ມື້ຫາ 3 ເດືອນກ່ອນອອກເດີນທາງແລະມີໃບຢັ້ງຢືນການກວດເຊື້ອໄວຣັດໂຄວິດ-19 ແລ້ວ, ໄລຍະເວລາກັກບໍລິເວນຫຼັງເຂົ້າເມືອງໄທຈະຫຼຸດລົງເປັນ 7 ວັນ.
ຄຳເຫັນ
0