ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມີນານີ້, ຢູ່ທີ່ນະຄອນຫລວງເນປີດໍຂອງມຽນມາ, ທ່ານຊໍມິນຕູນ ຮອງລັດຖະມົນຕີກະຊວງຂໍ້ມູນຂ່າວສານມຽນມາໄດ້ແຈ້ງໃຫ້ສື່ມວນຊົນຊາບວ່າ: ມຽນມາຂໍສະແດງຄວາມຂອບໃຈຕໍ່ອົງການສະຫະປະຊາຊາດ, ປະເທດໃນອາຊຽນ ແລະປະເທດອ້ອມຂ້າງທີ່ໄດ້ເອົາໃຈໃສ່ຕໍ່ສະຖານະການມຽນມາ, ຄະນະກຳມະການບໍລິຫານງານແຫ່ງຊາດມຽນມາກ່າວຢ້ຳວ່າ: ຈະສືບຕໍ່ຊຸກຍູ້ແຜນການ 5 ເປົ້າໝາຍ ເພື່ອແກ້ໄຂບັນຫາມຽນມາ.
ຂ່າວແຈ້ງວ່າ, ແຜນການ 5 ເປົ້າໝາຍ ຄື: ຈັດຕັ້ງຄະນະກຳມະການເລືອກຕັ້ງສະຫະພາບມຽນມາຄືນໃໝ່, ຄວບຄຸມການແຜ່ລະບາດຂອງພະຍາດໂຄວິດ-19, ຟື້ນຟູເສດຖະກິດ, ບັນລຸການສ້າງຄວາມປອງດອງກັນຢ່າງຮອບດ້ານກັບກອງກຳລັງປະກອບອາວຸດທ້ອງຖິ່ນ 21 ກຸ່ມ ແລະຈັດການເລືອກຕັ້ງຄືນໃໝ່ ພ້ອມທັງມອບສິດອຳນາດແຫ່ງຊາດໃຫ້ແກ່ພັກຝ່າຍທີ່ໄດ້ຮັບການເລືອກຕັ້ງພາຍໃນ 1 ປີ. ໃນນັ້ນ, ບາດກ້າວທີໜຶ່ງກໍຄື: ຈັດຕັ້ງຄະນະກຳມະການເລືອກຕັ້ງສະຫະພາບມຽນມາຄືນໃໝ່ໄດ້ເຮັດສຳເລັດດ້ວຍຄວາມເປັນລະບຽບຮຽບຮ້ອຍ.
ຄຳເຫັນ
0