ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ໃນເວລາໃຫ້ສຳພາດຕໍ່ນັກຂ່າວ, ທ່ານຫຼີຊຽນລົງ ນາຍົກລັດຖະມົນຕີສິງກະໂປກ່າວວ່າ: ວັກຊີນບໍ່ຈຳແນກສັນຊາດ, ບໍ່ມີຫຼັກອ້າງອີງໃດໆ, ແຕ່ເປັນພຽງແມ່ນຈີນເປັນຜູ້ຄົ້ນຄວ້າຜະລິດ, ກໍຕັດສິນໂລດວ່າວັກຊີນຈີນດີຫຼືບໍ່ດີ, ການກະທຳແບບນີ້ແມ່ນບໍ່ຖືກເລີຍ. ຈີນມີນັກວິທະຍາສາດ, ນັກຄົ້ນຄວ້າຢາຊີວະພາບ ແລະ ນັກຄົ້ນຄວ້າວັກຊີນດີເດັ່ນທີ່ສຸດ, ເຊື່ອວ່າ: ເຂົາເຈົ້າມີຄວາມສາມາດຜະລິດວັກຊີນທີ່ດີອອກມາໄດ້.
ກ່ຽວກັບເລື່ອງນີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນໃນວັນທີ 15 ມີນານີ້ວ່າ: ວັກຊີນເປັນອາວຸດອັນແຫຼມຄົມໃນການຕ້ານກັບເຊື້ອພະຍາດ ແລະ ເປັນຄວາມຫວັງໃນການຊ່ວຍກູ້ຊີວິດຄົນ, ຄວນຮັບໃຊ້ທົ່ວໂລກ ແລະ ສ້າງຄວາມສຸກໃຫ້ແກ່ມວນມະນຸດ. “ບໍ່ວ່າຈະເປັນວັກຊີນຂອງປະເທດໃດ, ຂໍພຽງແຕ່ເປັນວັກຊີນທີ່ປອດໄພແລະມີຄວາມຮັບປະກັນ, ກໍແມ່ນວັກຊີນທີ່ດີ. ຈີນຈະສືບຕໍ່ຮ່ວມກັນກັບຝ່າຍຕ່າງໆ, ຕ້ານກັບລັດທິຊາດນິຍົມໃນດ້ານວັກຊີນ, ບໍ່ຍອມຮັບນຳການສ້າງ “ຄວາມແຕກໂຕນກັນດ້ານການສ້າງພູມຕ້ານທານ”, ພະຍາຍາມຊຸກຍູ້ໃຫ້ວັກຊີນຖືກແບ່ງປັນໃນຂອບເຂດທົ່ວໂລກຢ່າງຍຸດຕິທຳ ແລະ ຮ່ວມມືກັບປະເທດຕ່າງໆ ເພື່ອເອົາຊະນະການແຜ່ລະບາດຂອງພະຍາດ.
ຄຳເຫັນ
0