ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກ່ຽວກັບສະຖານະການຢູ່ມຽນມາ, ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ: ຈີນຮຽກຮ້ອງໃຫ້ປະຊາຊົນມຽນມາສະເໜີຄຳຮ້ອງຂໍຂອງຕົນຢ່າງຖືກຕ້ອງຕາມກົດໝາຍ, ບໍ່ຄວນເປັນຜູ້ຖືກປຸກປັ່ນແລະສວຍໃຊ້,ເພື່ອຫຼີກເວັ້ນບໍ່ໃຫ້ກະທົບຕໍ່ສາຍພົວພັນໄມຕີຈິດມິດຕະພາບລະຫວ່າງຈີນ-ມຽນມາ.
ທ່ານ ຈ້າວລີ້ຈ່ຽນ ຊີ້ໃຫ້ເຫັນວ່າ: “ຈີນຫວັງວ່າບັນດາຝ່າຍຢູ່ມຽນມາຈະສາມາດຮັກສາຄວາມອົດທົນອົດກັ້ນໄວ້ແລະມີອາລົມເຢັນ,ຖືຜົນປະໂຫຍດພື້ນຖານຂອງປະຊາຊົນມຽນມາເປັນສຳຄັນ, ຍຶດໝັ້ນການແກ້ໄຂຄວາມຂັດແຍ້ງກັນໂດຍຜ່ານການປຶກສາຫາລືແລະການເຈລະຈາພາຍໃຕ້ຂອບລັດຖະທຳມະນູນແລະກົດໝາຍ, ສືບຕໍໍ່ຊຸກຍູ້ຂະບວນການຫັນປ່ຽນຮູບແບບປະຊາທິປະໄຕພາຍໃນປະເທດ.ໜ້າທີ່ອັນຮີບດ່ວນໃນປັດຈຸບັນແມ່ນປ້ອງກັນບໍ່ໃຫ້ເກີດມີເຫດການນອງເລືອດຄັ້ງໃໝ່, ເພື່ອເຮັດໃຫ້ສະຖານະການຜ່ອນຄາຍລົງເທື່ອລະກ້າວໂດຍໄວ.”
ກ່ຽວກັບເຫດການທີ່ວິສາຫະກິດການລົງທຶນຂອງຈີນຢູ່ມຽນມາຖືກປຸ້ນ ທຸບມ້າງແລະຈູດເຜົາ, ທ່ານ ຈ້າວລີ້ຈ່ຽນ ຍັງໄດ້ກ່າວໃນມື້ດັ່ງກ່າວວ່າ: ຈີນໄດ້ຕິດຕາມຄວາມຄືບໜ້າຂອງສະຖານະການຢູ່ມຽນມາຢ່າງໃກ້ຊິດ, ເອົາໃຈໃສ່ທີ່ສຸດຕໍ່ຜົນກະທົບແລະຄວາມປອດໄພຂອງອົງການແລະພົນລະເມືອງຂອງຝ່າຍຈີນ. ຈີນຫວັງໃຫ້ມຽນມາຈົ່ງໃຊ້ມາດຕະການທີ່ແທ້ຈິງ,ເພື່ອປ້ອງກັນຄວາມປອດໄພຂອງປະຊາຊົນຈີນຢູ່ມຽນມາ,ຫຼີກເວັ້ນບໍ່ໃຫ້ເກີດເຫດການທີ່ຄ້າຍຄືກັນແບບນີ້ອີກຢ່າງເດັດຂາດ.
ຄຳເຫັນ
0