ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ບໍລິສັດໂທລະຄົມເຄື່ອນທີ່ພາຍໃນປະເທດມຽນມາໄດ້ຮັບແຈ້ງການວ່າ: ນັບແຕ່ວັນທີ 15 ມີນານີ້ເປັນຕົ້ນໄປ, ຈະປິດລະບົບເຄືອຂ່າຍໂທລະຄົມເຄື່ອນທີ່ໂດຍບໍ່ມີກຳນົດ, ໂທລະສັບມືຖືພຽງແຕ່ສາມາດໂທຫາກັນແລະສົ່ງຂໍ້ຄວາມສັ້ນໄດ້ເທົ່ານັ້ນ. ປັດຈຸບັນ, ລະບົບເຄືອຂ່າຍໂທລະຄົມສາຍແກ້ວໃຍແສງ ຫຼື FTTH ຂອງມຽນມາຍັງບໍ່ທັນຖືກປິດເທື່ອ, ຜູ້ຊົມໃຊ້ຍັງສາມາດເຊື່ອມຕໍ່ອິນເຕີເນັດດ້ວຍລະບົບ WIFI ຂອງລະບົບເຄືອຂ່າຍສາຍແກ້ວໃຍແສງໄດ້.
ຕາມຂ່າວແຈ້ງວ່າ, ນັບແຕ່ມຽນມາເກີດມີການລັດຖະປະຫານໃນວັນທີ 1 ກຸມພາຜ່ານມາ, ມຽນມາໄດ້ “ຕັດລະບົບເຄືອຂ່າຍອິນເຕີເນັດ” ຫຼາຍເທື່ອ, ແຕ່ເທື່ອນີ້ເປັນເທື່ອທີ່ມີໄລຍະເວລາຍາວທີ່ສຸດ.
ຂ່າວສານລອຍເຕີຂອງອັງກິດລາຍງານໃນວັນທີ 15 ມີນານີ້ວ່າ, ຫົວໜ້າທີມທະນາຍຄວາມຂອງທ່ານນາງອອງຊານຊູຈີກ່າວວ່າ: ຍ້ອນວ່າມຽນມາໄດ້ເລີ່ມປິດລະບົບເຄືອຂ່າຍໂທລະຄົມເຄື່ອນທີ່ພາຍໃນປະເທດນັບແຕ່ວັນທີ 15 ມີນານີ້ເປັນຕົ້ນໄປ, ສານມຽນມາຈະບໍ່ສາມາດຈັດການຮັບຟັງຄຳໃຫ້ການຜ່ານທາງວິດີໂອຂອງທ່ານນາງອອງຊານຊູຈີໄດ້. ສະນັ້ນ, ເວລາຂຶ້ນສານຂອງທ່ານວິນມິນ ປະທານາທິບໍດີມຽນມາ ແລະ ທ່ານນາງອອງຊານຊູຈີຈະຖືກເລື່ອນເວລາອອກໄປຈົນເຖິງວັນທີ 24 ມີນານີ້.
ຄຳເຫັນ
0