ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 25 ມີນານີ້, ທ່ານນາງຮວ້າຊຸ່ນຢິງໂຄສົກກະຊວງການຕ່າງປະເທດຈີນກ່າວເນັ້ນໜັກວ່າ: ບໍ່ມີເຫດຜົນໃດທີ່ຈະຖືເອົາເຄື່ອງໝາຍ“ການຫັນເປັນການທະຫານຢູ່ທະເລຈີນໃຕ້”ມາໃຊ້ກັບຈີນ.
ຕາມຂ່າວແຈ້ງວ່າ, ທ່ານແອນໂຕນີ ບຣິນເກັນ ລັດຖະມົນຕີກະຊວງການຕ່າງປະເທດອາເມຣິກາໄດ້ກ່າວຄຳປາໄສຢູ່ສຳນັກງານໃຫຍ່ກຸ່ມນາໂຕໃນວັນທີ 24 ມີນານີ້ໂດຍອ້າງວ່າ: ຈີນໄດ້ປະຕິບັດການເຄື່ອນໄຫວຢູ່ທະເລຈີນໃຕ້ໂດຍຫັນເປັນການທະຫານ, ເປັນໄພຂົ່ມຂູ່ຕໍ່ການເດີນເຮືອຢ່າງເສລີຢູ່ທະເລຈີນໃຕ້, ຈີນໃຊ້ມາດຕະການຂວ້ຳບາດເພື່ອແກ້ແຄ້ນສະຫະພາບເອີຣົບນັ້ນໄດ້ສະແດງໃຫ້ເຫັນວ່າ: ຄວາມສາມັກຄີຂອງກຸ່ມນາໂຕແມ່ນມີຄວາມໝາຍສຳຄັນຫຼາຍ, ທັງອ້າງວ່າຈີນໄດ້ທຳລາຍລະບຽບການສາກົນແລະຄ່ານິຍົມຂອງປະເທດຕາເວັນຕົກ, ເປັນໄພຂົ່ມຂູ່ຕໍ່ຄວາມໝັ້ນຄົງລວມໝູ່ ແລະຄວາມຈະເລີນຮຸ່ງເຮືອງຂອງອາເມຣິກາ-ເອີຣົບ.
ກ່ຽວກັບເລື່ອງນີ້, ທ່ານນາງຮວ້າຊຸ່ນຢິງກ່າວວ່າ: ຖ້ອຍຄຳດັ່ງກ່າວຂອງເຈົ້າໜ້າທີ່ອາເມຣິກາໄດ້ພິສູດໃຫ້ເຫັນອີກຄັ້ງໜຶ່ງວ່າ, ອາເມຣິກາໄດ້ໃຊ້ສິດເສລີເໜືອທຳມະດາແກ່ຕົນເອງໃນດ້ານການປາກເວົ້າຢ່າງບໍ່ມີຫຼັກຖານອ້າງອີງ, ຕິດເຄື່ອງໝາຍໃຫ້ກັບຜູ້ອື່ນຕາມລຳພັງໃຈ.
ທ່ານນາງຮວ້າຊຸ່ນຢິງກ່າວຕື່ມວ່າ: “ດິນແດນອາເມຣິກາຫ່າງຈາກທະເລຈີນໃຕ້ 8300 ກວ່າໄມ, ແຕ່ອາເມຣິກາພັດໄດ້ສ້າງຖານທັບຫຼາຍແຫ່ງໂດຍຕິດຕັ້ງອາວຸດລັກສະນະບຸກໂຈມຕີຢູ່ອ້ອມແອ້ມທະເລຈີນໃຕ້, ໄດ້ສົ່ງກຳປັ່ນບັນທຸກເຮືອບິນແລະ ເຮືອບິນຖິ້ມລະເບີດທາງຍຸດທະສາດເຂົ້າປະຈຳການຢູ່ທະເລຈີນໃຕ້ເລື້ອຍໆ, ທັງໄດ້ຈັດວາງເຮືອບິນທະຫານ,ກຳປັ່ນຮົບຈຳນວນຫຼວງຫຼາຍຢູ່ທະເລຈີນໃຕ້ຕາມປົກກະຕິ,ຍິ່ງໄປກວ່ານັ້ນຍັງໄດ້ສວຍໃຊ້ລະຫັດເຮືອບິນພົນລະເຮືອນຂອງປະເທດອື່ນມາປອມແປງໃຫ້ກັບເຮືອບິນທະຫານຂອງຕົນເພື່ອເຄື່ອນໄຫວຢູ່ທະເລຈີນໃຕ້ຫຼາຍກວ່າຮ້ອຍເທື່ອ. ຄັນເວົ້າເຖິງເລື່ອງ ‘ປະຕິບັດການຫັນເປັນການທະຫານແລະສ້າງໄພຂົ່ມຂູ່ຕໍ່ການເດີນເຮືອຢ່າງເສລີຢູ່ທະເລຈີນໃຕ້’ນັ້ນ, ເຄື່ອງໝາຍແບບນີ້ແມ່ນເໝາະກັບອາເມຣິກາທີ່ສຸດ. ”
ຄຳເຫັນ
0