ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI:ໃນຕອນເຊົ້າວັນທີ 29 ມີນານີ້ຕາມເວລາທ້ອງຖິ່ນ, ວັກຊີນຕ້ານໂຄວິດ-19 ທີ່ຈີນຊ່ວຍເຫຼືອເນປານໄດ້ຖືກຂົນສົ່ງໄປຮອດນະຄອນຫຼວງກັດມັນດູຂອງເນປານ, ທ່ານຮີເດເຢສ ຕຼີປາຕີ, ລັດຖະມົນຕີກະຊວງສາທາລະນະສຸກແລະປະຊາກອນເນປານແລະທ່ານນາງໂຫຢ້ຽນຊີເອກອັກຄະລັດຖະທູດຈີນປະຈຳເນປານໄດ້ເດີນທາງໄປຕ້ອນຮັບຢູ່ສະໜາມບິນ. ວັກຊີນຕ້ານໂຄວິດ-19 ງວດນີ້ລ້ວນແຕ່ແມ່ນວັກຊີນທີ່ຜະລິດໂດຍຫ້ອງຄົ້ນຄວ້າຢາຊີວະຊາດປັກກິ່ງທີ່ຂຶ້ນກັບກຸ່ມບໍລິສັດຊິນໂນຟາມຂອງຈີນ.
ທ່ານຮີເດເຢສ ຕຼີປາຕີ, ລັດຖະມົນຕີກະຊວງສາທາລະນະສຸກແລະປະຊາກອນເນປານສະແດງຄວາມຂອບໃຈຕໍ່ລັດຖະບານຈີນທີ່ໄດ້ສະໜອງວັກຊີນໃຫ້ແກ່ລັດຖະບານເນປານ. ທ່ານກ່າວວ່າ, ເຊື່ອວ່າວັກຊີນຈີນງວດນີ້ຍ່ອມຈະສາມາດຊ່ວຍເຫຼືອເນປານຕໍ່ຕ້ານສະພາບພະຍາດໄດ້.
ວັນທີ 17 ກຸມພາປີ 2021 ແລ້ວນີ້, ກົມຕິດຕາມກວດກາແລະຄຸ້ມຄອງຢາເນປານໄດ້ປະກາດແຈ້ງການ, ໂດຍອະນຸຍາດໃຫ້ເນປານນຳໃຊ້ວັກຊີນຕ້ານໂຄວິດ-19 ຂອງກຸ່ມບໍລິສັດຊິນໂນຟາມຈີນຢ່າງຮີບດ່ວນ.
ຄຳເຫັນ
0