ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ມີນານີ້, ຢູ່ນະຄອນຫຼວງປັກກິ່ງ, ທ່ານນາງຮວ້າຊຸ່ນຢີງ ໂຄສົກກະຊວງການຕ່າງປະເທດຈີນປະກາດວ່າ: ໂດຍຕອບສະໜອງການເຊື້ອເຊີນຂອງທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນ, ທ່ານວິວຽນ ບາລັກຣິສນານ ລັດຖະມົນຕີກະຊວງການຕ່າງປະເທດສິງກະໂປ, ທ່ານຮິຊາມູດິນ ລັດຖະມົນຕີກະຊວງການຕ່າງປະເທດມາເລເຊຍ, ທ່ານເຣດໂນ ເລສຕາຣີ ປຣິອັນຊາຣີ ມາຊູດີ ລັດຖະມົນຕີກະຊວງການຕ່າງປະເທດອິນໂດເນເຊຍ ແລະທ່ານເຕວໂດໂຣ ລອັກຊີນ ລັດຖະມົນຕີກະຊວງການຕ່າງປະເທດຟີລິບປິນຈະຢ້ຽມຢາມຈີນແຕ່ວັນທີ 31 ມີນານີ້ຫາວັນທີ 2 ເມສາໜ້ານີ້.
ໃນກອງປະຊຸມຂ່າວທີ່ຈັດຂຶ້ນໃນວັນທີ 30 ມີນານີ້, ທ່ານນາງຮວ້າຊຸ່ນຢີງຊີ້ໃຫ້ເຫັນວ່າ: ປີນີ້ແມ່ນປີທີ່ຈີນກັບບັນດາປະເທດອາຊຽນສ້າງການພົວພັນຄູ່ສົນທະນາຄົບຮອບ 30 ປີ. ພວກເຮົາຫວັງວ່າ, ຜ່ານການຢ້ຽມຢາມຄັ້ງນີ້, ຈະສາມາດເພີ່ມທະວີການແລກປ່ຽນກັບປະເທດອາຊຽນກ່ຽວກັບສະຖານະການພາກພື້ນກໍ່ຄືສາກົນ, ຜັນຂະຫຍາຍຄວາມຮັບຮູ້ທີ່ເປັນເອກະພາບກັນອັນສຳຄັນລະຫວ່າງການນຳສອງຝ່າຍຕື່ມອີກ, ເພີ່ມທະວີຄວາມໄວ້ເນື້ອເຊື່ອໃຈກັນດ້ານຍຸດທະສາດ, ລົງເລິກການຮ່ວມມືດ້ານການຕ້ານພະຍາດແລະການພັດທະນາຕື່ມອີກ, ຮ່ວມກັນສ້າງ“ໜຶ່ງແລວໜຶ່ງເສັ້ນທາງ”ດ້ວຍຄຸນນະພາບສູງ, ຊຸກຍູ້ການພົວພັນລະຫວ່າງຈີນ-ອາຊຽນ ພ້ອມທັງການພົວພັນສອງຝ່າຍລະຫວ່າງຈີນກັບປະເທດທີ່ກ່ຽວຂ້ອງ ໃຫ້ກ້າວສູ່ລະດັບໃໝ່, ປົກປັກຮັກສາສັນຕິພາບ ສະຖຽນລະພາບ ແລະການພັດທະນາຂອງພາກພື້ນຢ່າງດີກວ່າເກົ່າ
ຄຳເຫັນ
0