ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວＣＲＩ：ວັນທີ ３１ ມີນາແລ້ວນີ້， ທ່ານຫວາງຢີ້， ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະເຈລະຈາກັບທ່ານວິວຽນ ບາຣາຄຣິສນານ， ລັດຖະມົນຕີກະຊວງການຕ່າງປະເທດສິງກະໂປຢູ່ນະຄອນໜານພີງແຂວງຟູຈຽນຂອງຈີນ．
ທ່ານຫວາງຢີ້ກ່າວວ່າ， ສອງຝ່າຍຕ້ອງຮັກສາການໄປມາຫາສູ່ກັນແລະການຕິດຕໍ່ພົວພັນກັນຂັ້ນສູງ， ເພີ່ມທະວີການແລກປ່ຽນລະຫວ່າງພັກແລະການແລກປ່ຽນທາງດ້ານບົດຮຽນດ້ານການບໍລິຫານປະເທດແລະການຄຸ້ມຄອງການເມືອງ， ຮ່ວມກັນຮັບມືກັບສິ່ງທ້າທາຍຈາກການແຜ່ລະບາດຂອງສະພາບພະຍາດເປັນເວລາຍາວນານ． ຕ້ອງອອກແຮງຮ່ວມກັນຄັດຄ້ານການປະຕິບັດຕາມ “ລັດທິຊົນຊາດດ້ານວັກຊີນ”， ປ້ອງກັນບໍ່ໃຫ້ເກີດ “ສະພາບທີ່ການສະໜອງວັກຊີນຜິດໂຕນກັນຫຼາຍ”． ຕ້ອງຊຸກຍູ້ການສ້າງ “ໜຶ່ງແລວໜຶ່ງເສັ້ນທາງ” ຢ່າງມີຄຸນນະພາບສູງຮ່ວມກັນ， ແລະເຈາະຈົງສ້າງເວທີຮ່ວມມືໃໝ່ໃນຂົງເຂດຢາຊີວະຊາດ，ປັນຍາປະດິດຫຼື ＡＩ， ການທະນາຄານດີຈີຕອນ．
ທ່ານວີິວຽນ ບາຣາຄຣິສນານໄດ້ສະແດງຄວາມຊົມເຊີຍຕໍ່ການສ້າງຕັ້ງພັກກອມມູນິດຈີນຄົບຮອບ １００ ປີ， ໄດ້ຕີລາຄາສູງຕໍ່ຈີນທີ່ໄດ້ຮັບຜົນສຳເລັດຢ່າງຍິ່ງໃຫຍ່ໃນປະຫວັດສາດຄວາມກ້າວໜ້າຂອງມວນມະນຸດ， ສະແດງຄວາມຊົມເຊີຍຕໍ່ຈີນທີ່ໄດ້ຮັບໄຊຊະນະຮອບດ້ານໃນການຫຼຸລຶບລ້າງຄວາມທຸກຍາກ． ສິງກະໂປຍິນດີປຶກສາຫາລືກັບຈີນກ່ຽວກັບການຍົກລະດັບຂອງສັນຍາການຄ້າເສລີລະຫວ່າງອາຊຽນ－ຈີນ， ຍົກສູງລະດັບການຮ່ວມມືລະຫວ່າງອາຊຽນ－ຈີນ．
ຄຳເຫັນ
0