ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 1 ເມສານີ້, ທ່ານວາງຢີ້ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະເຈລະຈາກັບທ່ານ ຮີຊາມູດິນ ຮູເຊອິນ ລັດຖະມົນຕີກະຊວງການຕ່າງປະເທດມະເລເຊຍ ຢູ່ນະຄອນນານພີງ ແຂວງຟູຈ້ຽນຈີນ, ແລະໄດ້ຈັດກອງປະຊຸມຂ່າວຮ່ວມກັນ.
ທ່ານວາງຢີ້ກ່າວວ່າ, ມຽນມາແມ່ນສະມາຊິກອາຊຽນ, ຈີນແມ່ນບ້ານໃກ້ເຮືອນຄຽງທີ່ມີສາຍພູສາຍນ້ຳຕິດຈອດກັນກັບມຽນມາ, ພວກເຮົາລ້ວນແຕ່ຫວັງຢ່າງຈິງໃຈວ່າ ພັກຝ່າຍຕ່າງໆຂອງມຽນມາ ຈົ່ງພິຈາລະນາເຖິງຜົນປະໂຫຍດຍາວນານຂອງປະເທດແລະຊົນຊາດ, ຈັດການເຈລະຈາແລະປຶກສາຫາລືກັນໂດຍໄວ. ພວກເຮົາລ້ວນແຕ່ເອົາໃຈໃສ່ໃນລະດັບສູງຕໍ່ສະຖານະການນອງເລືອດດ້ວຍກຳລັງຮຸນແຮງທີ່ເກີດຂຶ້ນຢູ່ພາຍໃນປະເທດມຽນມາ, ຮຽກຮ້ອງໃຫ້ຝ່າຍຕ່າງໆຕ້ອງຮັກສາຄວາມອົດກັ້ນໄວ້, ຫຼີກເວັ້ນບໍ່ໃຫ້ສະຖານະການຮ້າຍແຮງຂຶ້ນຕື່ມຈົນຄວບຄຸມບໍ່ໄດ້. ພວກເຮົາລ້ວນແຕ່ເຫັນວ່າ, ປະຊາຄົມໂລກຄວນອຳນວຍສະພາບແວດລ້ອມທີ່ດີໃຫ້ແກ່ມຽນມາ ເພື່ອໃຫ້ມຽນມາບັນລຸຄວາມປອງດອງກັນດ້ານການເມືອງພາຍໃນປະເທດ ບົນພື້ນຖານຍຶດໝັ້ນບໍ່ແຊກແຊງວຽກງານພາຍໃນ ທີ່ເປັນຫຼັກການພື້ນຖານໃນການພົວພັນສາກົນ, ຫາກບໍ່ແມ່ນທຳການຕົກລົງແທນມຽນມາ, ແລະໃຊ້ແຮງກົດດັນຕໍ່ມຽນມາຕາມລຳພັງໃຈ. ຈີນເດັດດ່ຽວສະໜັບສະໜູນອາຊຽນສືບຕໍ່ຊຸກຍູ້ການເຈລະຈາດ້ວຍ “ຮູບແບບອາຊຽນ”, ສະໜັບສະໜູນການຈັດກອງປະຊຸມພິເສດຜູ້ນຳອາຊຽນ ເພື່ອທຳການໄກ່ເກ່ຍຕໍ່ສະຖານະການມຽນມາ.
ຄຳເຫັນ
0