ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕົວເລກກ່ຽວກັບພະຍາດໂຄວິດ-19ທີ່ກະຊວງສາທາລະນະສຸກອິນເດຍປະກາດໃນວັນທີ 5 ເມສານີ້ສະແດງໃຫ້ເຫັນວ່າ: ຢູ່ອິນເດຍ, ຜູ້ຖືກບົ່ງມະຕິເປັນພະຍາດໂຄວິດ-19ເພີ່ມຂຶ້ນ103558ກໍລະນີພາຍໃນ24ຊົ່ວໂມງທີ່ຜ່ານມາ, ເຊິ່ງໄດ້ສ້າງສະຖິຕິໃໝ່ທີ່ຈຳນວນຜູ້ຖືກບົ່ງມະຕິເປັນພະຍາດໂຄວິດ-19ເພີ່ນຂຶ້ນຫລາຍທີ່ສຸດພາຍໃນມື້ດຽວນັບແຕ່ພະຍາດໂຄວິດ-19ແຜ່ລະບາດເປັນຕົ້ນມາ, ຈຳນວນຜູ້ເສຍຊີວິດໄດ້ເພີ່ມຂຶ້ນ478ຄົນ. ມາຮອດວັນ 5 ເມສານີ້, ຢູ່ອິນເດຍມີຜູ້ເປັນພະຍາດໂຄວິດ-19ທັງໝົດ 12.589.067ກໍລະນີ, ຈຳນວນຜູ້ເສຍຊີວິດທັງໝົດ165.101ຄົນ.
ທ່ານນາແລນດຼາ ໂມດີ ນາຍົກລັດຖະມົນຕີອິນເດຍໄດ້ເປັນປະທານຈັດກອງປະຊຸມລະດັບສູງ, ໂດຍຮຽກຮ້ອງໃຫ້ນຳໃຊ້ມາດຕະການຕື່ມອີກເພື່ອສະກັດກັ້ນການແຜ່ລະບາດຄືນໃໝ່ຂອງພະຍາດໂຄວິດ-19 ຮັບປະກັນຊັບພະຍາກອນການແພດໃຫ້ພຽງພໍ ພ້ອມທັງເລັ່ງລັດການສັກວັກຊີນໂຄວິດ-19. ທ່ານໄດ້ຮຽກຮ້ອງໃຫ້ແຫ່ງຕ່າງໆຕັ້ງໜ້າປະຕິບັດມາດຕະການຕ່າງໆ, ເຊັ່ນ: ກວດກາ, ຕິດຕາມ,ປິ່ນປົວ, ປ້ອງກັນສ່ວນບຸກຄົນ, ສັກວັກຊິນໂຄວິດ-19 ແລະອື່ນໆ.
ຜູ້ຊ່ຽວຊານດ້ານສາທາລະນະສຸກກ່າວວ່າ: ສາເຫດທີ່ເຮັດໃຫ້ພະຍາດໂຄວິດ-19ແຜ່ລະບາດຄືນໃໝ່ອາດຈະແມ່ນຍ້ອນມາດຕະການປ້ອງກັນ,ເຊັ່ນ:ໃສ່ຜ້າປິດປາກ, ຮັກສາໄລຍະຫ່າງໃນການຄົບຄ້າສະມາຄົມ ແລະອື່ນໆບໍ່ໄດ້ຮັບການປະຕິບັດຢ່າງເຂັ້ມງວດ, ໄວຣັດພະຍາດປ່ຽນເປັນສາຍພັນໃໝ່ເປັນຕົ້ນ.
ຄຳເຫັນ
0