ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ເມສານີ້, ພິທີເຈາະຊອດອຸມົງສາຍທຳອິດໃນໂຄງການທາງລົດໄຟຊາຍຝັ່ງທະເລຕາເວັນອອກຂອງມາເລເຊຍ ທີ່ກຸ່ມບໍລິສັດກໍ່ສ້າງຄົມມະນາຄົມຈີນຈຳກັດຮັບເໝົາກໍ່ສ້າງ ໄດ້ຈັດຂຶ້ນຢູ່ສະຖານທີ່ກໍ່ສ້າງ ທີ່ຕັ້ງຢູ່ເຂດປາກາລັດເຕແຣງກາຣູ.
ບໍລິສັດເຊື່ອມຕໍ່ທາງລົດໄຟມາເລເຊຍ ທີ່ເປັນເຈົ້າຂອງໂຄງການກ່າວວ່າ: ການເຈາະຊອດອຸມົງດັ່ງກ່າວເປັນໝາກຜົນແຫ່ງການປະສານງານໃນໂຄງການຮ່ວມມືລະຫວ່າງສອງຝ່າຍ.
ທ່ານວີກາຊີອົງ ລັດຖະມົນຕີກະຊວງຄົມມະນາຄົມມາເລເຊຍກ່າວວ່າ: ມາຮອດເດືອນມີນາປີນີ້, ໂຄງການທາງລົດໄຟດັ່ງກ່າວໄດ້ສ້າງສຳເລັດໄປແລ້ວ 1 ສ່ວນ 5, ຄາດວ່າ, ເມື່ອຮອດທ້າຍປີນີ້, ຈຸດກໍ່ສ້າງ 300 ຈຸດ ເຊິ່ງລວມທັງອຸມົງ, ຂົວ, ພື້ນທາງ ແລະ ຄອງລະບາຍນ້ຳ ເປັນຕົ້ນ ຈະເລີ່ມລົງມືກໍ່ສ້າງ.
ທາງລົດໄຟຊາຍຝັ່ງທະເລຕາເວັນອອກມາເລເຊຍອອກແບບຍາວທັງໝົດ 600 ກວ່າກິໂລແມັດ. ພາຍຫຼັງສ້າງສຳເລັດແລ້ວ, ຈະຊຸກຍູ້ການພັດທະນາເສດຖະກິດຂອງເຂດຊາຍຝັ່ງທະເລຕາເວັນອອກຂອງມາເລເຊຍ ແລະ ຈະປັບປຸງການເຊື່ອມຈອດກັນຂອງເຂດດັ່ງກ່າວຢ່າງໃຫຍ່ຫຼວງ.
ຄຳເຫັນ
0