ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ເມສານີ້, ກອງທັບຟີລິບປິນກ່າວວ່າ: ຟີລິບປິນແລະອາເມຣິກາໄດ້ຕົກລົງຈະຈັດການຊ້ອມຮົບຮ່ວມ “ຄຽງບ່າຄຽງໄຫຼ່” ປະຈຳປີ 2021 ເປັນເວລາສອງອາທິດໃນວັນທີ 12 ເມສານີ້.
ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ການຊ້ອມຮົບຮ່ວມ“ຄຽງບ່າຄຽງໄຫຼ່”ໃນປີນີ້ຈະມີຂະໜາດຫຼຸດນ້ອຍກວ່າປີຜ່ານມາ ໂດຍການຊ້ອມຮົບໃນປີນີ້ມີທະຫານພຽງແຕ່ 1.700 ຄົນເຂົ້າຮ່ວມ, ໃນນັ້ນ, ມີທະຫານອາເມຣິກາ 700 ຄົນ ແລະຟີລິບປິນ 1 ພັນຄົນ, ການຊ້ອມຮົບສ່ວນໜຶ່ງຈະດຳເນີນຜ່ານທາງອອນລາຍ.
ການຊ້ອມຮົບຮ່ວມ“ຄຽງບ່າຄຽງໄຫຼ່”ແມ່ນການຊ້ອມຮົບຮ່ວມແຜນທຳມະດາປະຈຳປີລະຫວ່າງຟີລິບປິນ-ອາເມຣິກາ. ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19, ຟີລິບປິນແລະອາເມຣິກາຈຶ່ງໄດ້ຍົກເລີກການຊ້ອມຮົບຮ່ວມປະຈຳປີ 2020.
ຟີລິບປິນເຄີຍໄດ້ປະກາດຈະຢຸດຕິການປະຕິບັດ “ສັນຍາຢ້ຽມຢາມທາງກອງທັບ”ຫຼື VFA ໃນເດືອນກຸມພາປີ 2020, ແຕ່ຫຼັງຈາກນັ້ນກໍໄດ້ໂຈະການຢຸດຕິການປະຕິບັດສັນຍາດັ່ງກ່າວເປັນການຊົ່ວຄາວໂດຍອ້າງ “ການປ່ຽນແປງຂອງສະຖານະການພາກພື້ນໃນປັດຈຸບັນ”.
ຄຳເຫັນ
0