ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 11 ເມສານີ້, ວັກຊີນປ້ອງກັນໂຄວິດ-19 ຊີໂນແວກຊຸດທີ 2 ທີ່ຟີລິບປິນຈັດຊື້ຈາກຈີນໄດ້ຂົນສົ່ງໄປເຖິງນະຄອນຫຼວງມານີລາ. ທ່ານກາລີໂຕ ການເວສ ຫົວໜ້າຜູ້ປະສານງານການຮັບມືກັບການແຜ່ລະບາດຂອງພະຍາດໂຄວິດ-19 ຂອງລັດຖະບານຟີລິບປິນໄດ້ນຳພາເຈົ້າໜ້າທີ່ລັດຖະບານຟີລິບປິນຫຼາຍທ່ານໄປຮັບເອົາວັກຊີນຢູ່ສະໜາມບິນ.
ທ່ານກາລີໂຕ ການເວສ ກ່າວວ່າ: ນີ້ແມ່ນສ່ວນໜຶ່ງທີ່ລັດຖະບານຟີລິບປິນຈັດຊື້ວັກຊີນຈາກບໍລິສັດຊີໂນແວກຂອງຈີນ. ທ່ານກ່າວຕື່ມວ່າ: ຈຳນວນຜູ້ເປັນພະຍາດຍັງໄດ້ເພີ່ມຂຶ້ນ, ພວກເຮົາພວມແຂ່ງກັບເວລາ, ຟີລິບປິນຫວັງວ່າຈະສາມາດສັກວັກຊິນໃຫ້ປະຊາຊົນໄດ້ໃນທັນທີ.
ວັກຊີນຊີໂນແວກຊຸດທຳອິດທີ່ລັດຖະບານຟີລິບປິນຈັດຊື້ຈາກຈີນ ໄດ້ຂົນສົ່ງໄປເຖິງຟີລິບປິນໃນວັນທີ 29 ມີນາຜ່ານມານີ້. ກ່ອນໜ້ານີ້, ຈີນໄດ້ໃຫ້ການຊ່ວຍເຫຼືອວັກຊີນ 2 ເທື່ອແກ່ຟີລິບປິນແລ້ວ.
ຄຳເຫັນ
0