ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການກູ້ໄພແຫ່ງຊາດອິນໂດເນເຊຍແຈ້ງໃຫ້ຮູ້ໃນວັນທີ 11 ເມສານີ້ວ່າ: ກ່ອນໜ້ານີ້ມື້ໜຶ່ງ, ຢູ່ເຂດທະເລພາກໃຕ້ແຂວງຈາວາຕາເວັນອອກປະເທດຕົນໄດ້ເກີດແຜ່ນດິນໄຫວລະດັບ 6,1 ລິກເຕີ ສົ່ງຜົນເຮັດໃຫ້ 8 ຄົນເສຍຊີວິດແລະ 39 ຄົນບາດເຈັບ.
ໃນຈຳນວນຜູ້ບາດເຈັບມີ 3 ຄົນບາດເຈັບສາຫັດແລະ 36 ຄົນບາດເຈັບເລັກໜ້ອຍ. ແຜ່ນດິນໄຫວຄັ້ງນີ້ຍັງໄດ້ສົ່ງຜົນເຮັດໃຫ້ເຮືອນ 1.189 ຫຼັງແລະໂຄງລ່າງສາທາລະນະ 150 ກວ່າແຫ່ງຖືກທຳລາຍ. ມາຮອດປັດຈຸບັນນີ້, ຢູ່ເຂດປະສົບໄພໄດ້ມີແຮງສັ່ນສະເທືອນຕາມມາ 10 ກວ່າເທື່ອ, ໃນນີ້ ໃນຕອນຮຸ່ງເຊົ້າຂອງວັນທີ 11 ເມສານີ້ໄດ້ມີແຮງສັ່ນສະເທືອນຕາມມາໃນລະດັບ 5,5 ລິກເຕີເທື່ອໜຶ່ງ. ວຽກງານກູ້ໄພແລະຊ່ວຍເຫຼືອສຸກເສີນຢູ່ເຂດປະສົບໄພຍັງເລັ່ງດຳເນີນຢູ່.
ເວລາປະມານ 14 ໂມງຂອງວັນທີ 10 ເມສານີ້ຕາມເວລາທ້ອງຖິ່ນ, ຢູ່ເຂດທະເລພາກໃຕ້ຂອງເມືອງມາລາງແຂວງຈາວາຕາເວັນອອກຂອງອິນໂດເນເຊຍໄດ້ເກີດແຜ່ນດິນໄຫວລະດັບ 6,1 ລິກເຕີ, ໃຈກາງແຜ່ນດິນໄຫວຕັ້ງຢູ່ເສັ້ນຂະໜານໃຕ້ 8,95 ອົງສາ, ເສັ້ນແວງຕາເວັນອອກ 112,48 ອົງສາ, ຈຸດສູນກາງແຜ່ນດິນໄຫວເລິກລົງໄປໃຕ້ດິນ 25 ກິໂລແມັດ.
ຄຳເຫັນ
0