ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມສະຖິຕິຈາກດ່ານພາສີຈີນ, ການສົ່ງອອກແລະນຳເຂົ້າຂອງຈີນຈາກອາຊຽນໄດ້ກວມ 14,7% ຂອງຍອດມູນຄ່າຂາເຂົ້າຂາອອກດ້ານການຄ້າກັບຕ່າງປະເທດ, ອາຊຽນຍັງສືບຕໍ່ຮັກສາຖານະທີ່ເປັນຄູ່ການຄ້າອັນດັບໜຶ່ງຂອງຈີນ.
ຕາມຕົວເລກຂໍ້ມູນຈາກດ່ານພາສີຈີນສະແດງໃຫ້ເຫັນວ່າ: ຄຽງຄູ່ກັບຄວາມຕ້ອງການດ້ານການບໍລິໂພກໃນຕະຫຼາດພາຍໃນໄດ້ເປີດກວ້າງອອກຕື່ມອີກ, ໂຄງປະກອບການບໍລິໂພກໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ, ຄວາມຕ້ອງການຂອງຈີນທີ່ມີຕໍ່ເຄື່ອງອຸປະໂພກບໍລິໂພກຂອງປະເທດອາຊຽນໂດຍສະເພາະແມ່ນການນຳເຂົ້າຜະລິດຕະພັນກະສິກຳຍັງຄຶກຄັກຫຼາຍ. ໃນໄຕມາດທຳອິດຂອງປີນີ້, ຈີນໄດ້ນຳເຂົ້າເຄື່ອງອຸປະໂພກບໍລິໂພກຈາກອາຊຽນທີ່ມີມູນຄ່າເຖິງ 52,42 ຕື້ຢວນ, ເພີ່ມຂຶ້ນ 30,6%. ນອກນີ້, ຈີນໄດ້ເພີ່ມທະວີການຮ່ວມມືແລະການຄ້າດ້ານພະລັງງານກັບອາຊຽນ,ການນຳເຂົ້າພະລັງງານຈາກອາຊຽນໄດ້ເພີ່ມຂຶ້ນຢ່າງຈະແຈ້ງ. ໃນໄຕມາດທຳອິດຂອງປີນີ້, ຈີນໄດ້ນຳເຂົ້າແກັສທຳມະຊາດທີ່ເປັນທາດແຫຼວຈາກອາຊຽນ 8,85 ຕື້ຢວນ, ເພີ່ມຂຶ້ນ 31,6%.
ຄຳເຫັນ
0