ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ກິດຈະກຳວັນຮ່ວມມືດ້ານການລົງທຶນນະຄອນຫຼວງປັກກິ່ງ-ອາຊຽນໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 13 ເມສານີ້ ໃນຮູບການອອນລາຍແລະອອຟລາຍ.
ກິດຈະກຳດັ່ງກ່າວໄດ້ສຸມໃສ່ການສ້າງສາ “ເຂດສາທິດສັງລວມການເປີດກວ້າງການເປີດປະຕູຂະແໜງການບໍລິການແຫ່ງຊາດ ແລະ ເຂດທົດລອງການຄ້າເສລີ” ນະຄອນຫຼວງປັກກິ່ງ, ງານວາງສະແດງການຄ້າການບໍລິການສາກົນຈີນ ແລະ ການພັດທະນາເສດຖະກິດດີຈີຕອນ ໂດຍໄດ້ແລກປ່ຽນຄວາມເຫັນຢ່າງເຕັມສ່ວນ ກ່ຽວກັບໂອກາດການລົງທຶນຕໍ່ກັນ ແລະ ສະພາບແວດລ້ອມກ່ຽວກັບການດຳເນີນທຸລະກິດລະຫວ່າງນະຄອນຫຼວງປັກກິ່ງກັບອາຊຽນ ພາຍໃຕ້ສະຖານະການໃໝ່.
ທູຕານຸທູດອາຊຽນປະຈຳຈີນ ແລະ ເຈົ້າໜ້າທີ່ໜ່ວຍງານການລົງທຶນຂອງປະເທດອາຊຽນ ເຊັ່ນ: ອິນໂດເນເຊຍ, ມາເລເຊຍ ແລະ ໄທເປັນຕົ້ນຕ່າງກໍໄດ້ແນະນຳກ່ຽວກັບສະພາບການພັດທະນາເສດຖະກິດ ແລະ ນະໂຍບາຍດຶງດູດການລົງທຶນຈາກຕ່າງປະເທດຂອງຕົນ ເພື່ອເປັນບົດຮຽນທີ່ລ້ຳຄ່າໃຫ້ແກ່ວິສາຫະກິດທີ່ຢາກເຂົ້າໄປລົງທຶນຢູ່ອາຊຽນ.
ຄຳເຫັນ
0