ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ສະຫະພາບເອີຣົບໄດ້ປະກາດຈະໃຫ້ເງິນຊ່ວຍເຫຼືອດ້ານມະນຸດສະທຳສຸກເສີນອີກ 9 ລ້ານເອີໂຣແກ່ມຽນມາ,ເພື່ອໃຊ້ໃນການຮັບມືກັບຄວາມຕ້ອງການດ້ານມະນຸດສະທຳຂອງມຽນມາທີ່ນັບມື້ນັບເພີ່ມຫຼາຍຂຶ້ນໃນປັດຈຸບັນ.
ຄະນະກຳມະການສະຫະພາບເອີຣົບໄດ້ປະກາດແຈ້ງການໂດຍກ່າວວ່າ: ສະຫະພາບເອີຣົບຈະປ່ອຍເງິນຊ່ວຍເຫຼືອໂດຍຜ່ານອົງການທີ່ບໍ່ແມ່ນລັດຖະບານ,ອົງການສະຫະປະຊາຊາດ,ສະພາກາແດງແລະຄູ່ຮ່ວມມືອື່ນໆໂດຍອີງຕາມຫຼັກການມະນຸດສະທຳ,ເປັນກາງ,ຊອບທຳແລະເປັນເອກະລາດ, ຕົ້ນຕໍຈະໃຫ້ການຊ່ວຍເຫຼືອດ້ານການປິ່ນປົວແລະສາທາລະນະສຸກ, ການປົກປ້ອງ,ຄວາມປອດໄພດ້ານອາຫານ,ການຊ່ວຍເຫຼືອສຸກເສີນແລະອື່ນໆ. ເຊິ່ງການຊ່ວຍເຫຼືອດັ່ງກ່າວຈະປົກຄຸມເຂດທີ່ໄດ້ຮັບຜົນກະທົບຈາກສະຖານະການທີ່ເຄັ່ງຕຶງຂອງມຽນມາໃນປັດຈຸບັນ, ຜູ້ທີ່ໄດ້ຮັບການຊ່ວຍເຫຼືອນັ້ນນອກຈາກລວມທັງກຸ່ມຄົນທີ່ດ້ອຍໂອກາດທີ່ສຸດພາຍໃນປະເທດມຽນມາແລ້ວ, ຍັງລວມທັງປະຊາຊົນທີ່ໂຕນໜີໄປລີ້ໄພຢູ່ບ່ອນອື່ນ, ເພື່ອຮັບມືກັບຜົນກະທົບຈາກສະຖານະການທີ່ເຄັ່ງຕຶງຢູ່ມຽນມາທີ່ມີຕໍ່ໄທແລະປະເທດອື່ນໆຢູ່ໃນພາກພື້ນ.
ຄຳເຫັນ
0