ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຍ້ອນໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ-19 ຮອບທີ 3, ຊີວິດການເປັນຢູ່ຂອງປະຊາຊົນໄທເກີດມີຄວາມຫຍຸ້ງຍາກລຳບາກ. ວັນທີ 20 ເມສານີ້, ກອງປະຊຸມຄະນະລັດຖະບານໄທໄດ້ຮັບຮອງເອົາຂໍ້ສະເໜີຂອງກະຊວງການເງິນ, ອະນຸຍາດໃຫ້ເບີກຈ່າຍເງິນອຸດໜູນອີກ 3,04 ຕື້ບາດເພື່ອຮັບມືກັບສະພາບພະຍາດ. ດັ່ງນັ້ນ, ປະຊາຊົນຜູ້ທີ່ໄດ້ຮັບຜົນປະໂຫຍດຈາກເງິນອຸດໜູນດັ່ງກ່າວນີ້ຈະເພີ່ມຂຶ້ນອີກ 2,4 ລ້ານຄົນ.
ກ່ອນໜ້ານີ້, ລັດຖະບານໄທກໍໄດ້ອະນຸຍາດໃຫ້ເງິນອຸດໜູນປະຊາຊົນທີ່ໄດ້ຮັບຜົນກະທົບຈາກສະພາບພະຍາດແລ້ວ 210,2 ຕື້ບາດ ເຊິ່ງກວມເອົາປະຊາຊົນ 31,1 ລ້ານຄົນ. ເງິນອຸດໜູນຄັ້ງໃໝ່ນີ້ຈະກວມເອົາປະຊາຊົນທັງໝົດ 33,5 ລ້ານຄົນ ເຊິ່ງເທົ່າກັບເຄິ່ງໜຶ່ງຂອງປະຊາກອນທົ່ວປະເທດໄທ.
ຂ່າວແຈ້ງວ່າ: ແຕ່ລະຄົນຈະໄດ້ຮັບເງິນອຸດໜູນ 7000 ບາດ, ເວລາການເບີກຈ່າຍເງິນຈະເລີ່ມຈາກວັນທີ 31 ພຶດສະພາຈົນຮອດວັນທີ 30 ມິຖຸນາປີນີ້.
ຄຳເຫັນ
0