ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 24 ເມສານີ້, ກອງປະຊຸມຜູ້ນຳອາຊຽນສະໄໝພິເສດກ່ຽວກັບບັນຫາມຽນມາໄດ້ຈັດຂຶ້ນຢູ່ນະຄອນຫຼວງຈາກາຕາປະເທດອິນໂດເນເຊຍ.
ຜູ້ທີ່ເຂົ້າຮ່ວມກອງປະຊຸມລວມມີຜູ້ນຳບຣູໄນ, ກຳປູເຈຍ, ອິນໂດເນເຊຍ, ມາເລເຊຍ, ສິງກະໂປ ແລະ ຫວຽດນາມ, ທ່ານມິນອອງລາຍ ປະທານຄະນະກຳມະການປົກຄອງປະເທດມຽນມາ ພ້ອມດ້ວຍລັດຖະມົນຕີກະຊວງການຕ່າງປະເທດຂອງ ສປປ ລາວ, ໄທ ແລະ ຟີລິບປິນ.
ໃນກອງປະຊຸມຖະແຫຼງຂ່າວທີ່ຈັດຂຶ້ນໃນຕອນຄ່ຳວັນທີ 23 ເມສານີ້, ທ່ານເຣດໂນ ມາຊູດີ ລັດຖະມົນຕີກະຊວງການຕ່າງປະເທດອິນໂດເນເຊຍກ່າວວ່າ: ນີ້ແມ່ນກອງປະຊຸມຜູ້ນຳອາຊຽນແບບອັອຟລາຍ ຫຼືແບບເຊິ່ງໜ້າກັນຄັ້ງທຳອິດ ພາຍຫຼັງເກີດມີການແຜ່ລະບາດຂອງພະຍາດໂຄວິດ-19 ເປັນຕົ້ນມາ ເຊິ່ງໄດ້ສະແດງໃຫ້ເຫັນເຖິງຄວາມເອົາໃຈໃສ່ຕໍ່ສະຖານະການໃນປະເທດມຽນມາ ແລະ ຄວາມຕັດສິນໃຈຂອງອາຊຽນທີ່ຢາກຊ່ວຍມຽນມາໃຫ້ຫຼຸດພົ້ນອອກຈາກສະພາບຄວາມຫຍຸ້ງຍາກໃນປັດຈຸບັນ.
ກອງປະຊຸມຄັ້ງນີ້ເປັນກອງປະຊຸມພາຍໃນ ແລະ ຈັດເປັນເວລາ 1 ວັນ. ເພື່ອຮັບປະກັນໃຫ້ກອງປະຊຸມດຳເນີນໄປຢ່າງປອດໄພ, ອິນໂດເນເຊຍໄດ້ຈັດວາງກຳລັງຕຳຫຼວດເກືອບ 4.400 ຄົນ ໄປປະຈຳການຢູ່ຕາມຖະໜົນຫົນທາງ, ສະໜາມບິນ, ໂຮງແຮມ, ສຳນັກງານກອງເລຂາອາຊຽນ ແລະ ແຫ່ງອື່ນໆ.
ຄຳເຫັນ
0