ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ເມສານີ້, ທ່ານ ຮາດີ ຈາຈານໂຕ ຜູ້ບັນຊາການສູງສຸດກອງທັບອິນໂດເນເຊຍໄດ້ປະກາດຢູ່ເກາະບາຫຼີວ່າ: ອີງຕາມຫຼັກຖານໃນປັດຈຸບັນ, ເຮືອດຳນ້ຳທີ່ຂາດການຕິດຕໍ່ກັບພາກພື້ນດິນໃນເມື່ອບໍ່ດົນມານີ້ໄດ້ຮັບການຢືນຢັນວ່າຈົມລົງທະເລແລ້ວ.
ທ່ານຮາດີກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນມື້ດັ່ງກ່າວວ່າ: ທີມງານຄົ້ນຫາແລະຊ່ວຍເຫຼືອຂອງກອງທັບອິນໂດເນເຊຍໄດ້ພົບເຫັນຄາບນ້ຳມັນທີ່ຮົ່ວໄຫຼແລະສິ້ນສ່ວນເຮືອດຳນ້ຳຂາດການຕິດຕໍ່ກັບພື້ນດິນຢູ່ເຂດທະເລໃກ້ກັບເກາະບາຫຼີ ເຊິ່ງລວມທັງເຄື່ອງປັບຄວາມຊື່ຂອງທໍ່ຕໍປີໂດ, ຖົງທໍ່ລົດຄວາມຮ້ອນແລະອື່ນໆ, ແລະຍັງມີເບາະທີ່ໃຊ້ເຮັດພິທີທາງສາດສະໜາຂອງນາຍແລະພົນທະຫານ.
ທ່ານ ຮາດີ ກ່າວວ່າ: ອົກຊີຢູ່ໃນເຮືອດຳນ້ຳທີ່ເກີດເຫດສາມາດໃຊ້ໄດ້ພຽງແຕ່ 72 ຊົ່ວໂມງເທົ່ານັ້ນ, ແລະໄດ້ໃຊ້ຈົນໝົດແລ້ວເມື່ອຮອດຕອນຮຸ່ງເຊົ້າຂອງວັນທີ 24 ເມສານີ້. ເຖິງວ່ານາຍແລະພົນທະຫານ 53 ຄົນຢູ່ໃນເຮືອດຳນ້ຳຍັງບໍ່ຮູ້ຊາຕາກຳວ່າຈະລອດຊີວິດຫຼືບໍ່,ແຕ່ຄາດວ່າຈະປະສົບເຄາະຮ້າຍແລ້ວ. ທ່ານຮາດີຕາງໜ້າໃຫ້ກອງທັບປະຊາຊົນແຫ່ງຊາດອິນໂດເນເຊຍສະແດງຄວາມເສຍໃຈແລະເສົ້າສະຫຼົດໃຈຕໍ່ເຫດການເສຍຊີວິດໝູ່ໃນຄັ້ງນີ້.
ຄຳເຫັນ
0