ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 3 ພຶດສະພານີ້, ກອງທັບເອກະລາດຄາຊິນເຊິ່ງເປັນກອງປະກອບອາວຸດທ້ອງຖິ່ນຂອງຊົນເຜົ່າສ່ວນໜ້ອຍມຽນມາກ່າວວ່າ: ກອງທັບປ້ອງກັນປະເທດມຽນມາໄດ້ຫລອນໂຈມຕີທາງອາກາດຕໍ່ເຂດທີ່ກອງປະກອບອາວຸດຕົນຄວບຄຸມຢູ່ລັດຄາຊິນໃນຕອນເຊົ້າມື້ດຽວກັນ, ກອງປະກອບອາວຸດໄດ້ຍິງຍົນເຮລີກົບແຕລຳໜຶ່ງຂອງກອງທັບປ້ອງກັນປະເທດມຽນມາໃຫ້ຕົກ.
ຕາມການລາຍງານຂ່າວຂອງສື່ມວນຊົນມຽນມາ, ມີປະຊາຊົນຢ່າງໜ້ອຍ 4 ຄົນເສຍຊີວິດໃນການຫລອນໂຈມຕີທາງອາກາດໃນມື້ດຽວກັນ.
ບົດລາຍງານຂອງພະແນກປະສານງານວຽກງານມະນຸດສະທຳຂອງອົງການສະຫະປະຊາຊາດທີ່ປະກາດໃນວັນທີ 28 ເມສາຜ່ານມາສະແດງໃຫ້ເຫັນວ່າ: ກອງທັບມຽນມາ ແລະກອງທັບເອກະລາດຄາຊິນໄດ້ມີການປະທະກັນເກືອບ 50 ຄັ້ງຢູ່ຫລາຍແຫ່ງຂອງລັດຄາຊິນນັບແຕ່ທ້າຍເດືອນມີນາເປັນຕົ້ນມາ. ສອງຝ່າຍໄດ້ນຳໃຊ້ຍົນຮົບ ແລະປືນຄົກ, ຮອດທ້າຍເດືອນເມສາ, ໄດ້ເຮັດໃຫ້ເກືອບ 5000 ຄົນບໍ່ມີບ່ອນພັກອາໄສ, ເຮືອນຊານຈຳນວນໜຶ່ງຖືກທຳລາຍ.
ຄຳເຫັນ
0