ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ລັດຖະບານມາເລເຊຍໄດ້ປະກາດໃນວັນທີ 5 ພຶດສະພານີ້ວ່າ: ຈະປະຕິບັດມາດຕະການ “ຈຳກັດການເຄື່ອນໄຫວ” ຢູ່ນະຄອນຫຼວງກົວລາລຳເປີອີກຄັ້ງໃໝ່ ເຊິ່ງຈະເລີ່ມຂຶ້ນນັບແຕ່ວັນທີ 7-20 ພຶດສະພານີ້ ເພື່ອຮັບມືກັບສະພາບການແຜ່ລະບາດຂອງພະຍາດໂຄວິດ-19 ທີ່ມີຄົນຕິດເຊື້ອພະຍາດເພີ່ມຂຶ້ນນັບມື້ນັບຫຼາຍໃນໄລຍະຜ່ານມາ.
ກ່ອນໜ້ານີ້ມື້ໜຶ່ງ ຄືວັນທີ 4 ພຶດສະພານີ້, ລັດຖະບານມາເລເຊຍໄດ້ປະກາດປະຕິບັດມາດຕະການ “ຈຳກັດການເຄື່ອນໄຫວ” ຢູ່ 6 ເຂດຂອງລັດເນເກຣີ ເຊລັນງໍ ທີ່ໃກ້ກັບນະຄອນຫຼວງກົວລາລຳເປີ.
ຢູ່ມາເລເຊຍມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ຕໍ່ມື້ໃນທ້າຍເດືອນມັງກອນປີນີ້ເຄີຍ ລື່ນກາຍ 5.000 ກໍລະນີ, ໃນວັນທີ 13 ມັງກອນປີນີ້, ລັດຖະບານມາເລເຊຍໄດ້ປະຕິບັດມາດຕະການ “ຈຳກັດການເຄື່ອນໄຫວ” ເຊິ່ງເປັນມາດຕະການປ້ອງກັນພະຍາດລະດັບສູງສຸດ ຢູ່ນະຄອນຫຼວງກົວລາລຳເປີທີ່ມີສະພາບການແຜ່ລະບາດຂອງພະຍາດອ່າວໜັກໜ່ວງ, ຄຽງຄູ່ກັບການແຜ່ລະບາດຂອງພະຍາດຮຸນແຮງຂຶ້ນ, ຄຳສັ່ງດັ່ງກ່າວກໍໄດ້ປະກາດອອກມາອີກເພື່ອໃຫ້ຈັດຕັ້ງປະຕິບັດໃນຂອບເຂດທົ່ວປະເທດ ຍົກເວັ້ນແຕ່ລັດຊາຣາວັກ ໃນຊົ່ວໄລຍະໜຶ່ງ.
ຄຳເຫັນ
0