ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນງານວາງສະແດງເຄື່ອງອຸປະໂພກບໍລິໂພກສາກົນຈີນຄັ້ງປະຖົມມະເລີກທີ່ຈັດຂຶ້ນຢູ່ນະຄອນໄຫໂຂແຂວງໄຫຫຼຳຈີນແຕ່ວັນທີ 7 ຫາວັນທີ 10 ພຶດສະພານີ້, ທ່ານປະຢຸດ ຈັນໂອຊາ, ນາຍົກລັດຖະມົນຕີໄທໄດ້ກ່າວຄຳປາໄສຜ່ານທາງວິດີໂອໃນພິທີເປີດງານວາງສະແດງຕາມຄຳເຊີນ.
ທ່ານປະຢຸດ ຈັນໂອຊາ ກ່າວວ່າ: ຈີນສາມາດຈັດງານວາງສະແດງລະດັບສາກົນຂະໜາດໃຫຍ່ໃນຂະນະນີ້, ໄດ້ສະແດງໃຫ້ເຫັນວ່າຈີນສາມາດຄວບຄຸມການແຜ່ລະບາດຂອງພະຍາດໂຄວິດ-19 ໄດ້ຢ່າງມີປະສິດທິຜົນ. ລັດຖະບານແລະວິສາຫະກິດໄທໄດ້ເຂົ້າຮ່ວມງານວາງສະແດງຄັ້ງນີ້, ສະແດງໃຫ້ເຫັນວ່າໄທໄດ້ເອົາໃຈໃສ່ປະຕິບັດຕາມຄຳໝັ້ນສັນຍາທີ່ໃຫ້ໄວ້ລະຫ່າງຜູ້ນຳທັງສອງປະເທດກ່ຽວກັບການເພີ່ມທະວີການຮ່ວມມືດ້ານເສດຖະກິດການຄ້າ, ຊຸກຍູ້ໃຫ້ສອງຝ່າຍບັນລຸເປົ້າໝາຍໃນການເຊື່ອມຈອດກັນດ້ານເສດຖະກິດການຄ້າໂດຍຜ່ານເຂດການຄ້າເສລີໄຫຫຼຳແລະຂໍ້ລິເລີ່ມ “ໜຶ່ງແລວໜຶ່ງເສັ້ນທາງ”, ສິ່ງນີ້ຈະເປັນການຊຸກຍູ້ໃຫ້ເສດຖະກິດສາມາດຟື້ນຄືນໄດ້ຢ່າງໝັ້ນທ່ຽງແລະຮອບດ້ານ, ສາມາດຮັກສາລະບົບການຄ້າຫຼາຍຝ່າຍແລະເຮັດໃຫ້ຕ່ອງໂສ້ການສະໜອງຂອງໂລກມີຄວາມໝັ້ນທ່ຽງ.
ລັດຖະບານໄທໃຫ້ຄຳໝັ້ນສັນຍາວ່າຈະສືບຕໍ່ສຸມກຳລັງເຂົ້າໃນການເສີມຂະຫຍາຍສາຍພົວພັນຄູ່ຮ່ວມມືຍຸດທະສາດຮອບດ້ານລະຫວ່າງໄທກັບຈີນ, ເພື່ອສະແຫວງຫາຄວາມຜາສຸກໃຫ້ແກ່ປະຊາຊົນທັງສອງປະເທດກໍຄືພາກພື້ນແລະໂລກ.
ຄຳເຫັນ
0