ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 8 ພຶດສະພານີ້ຕາມເວລາທ້ອງຖິ່ນ, ຄະນະກຳມະການຕ້ານການກໍ່ການຮ້າຍສູນກາງມຽນມາອອກແຈ້ງການວ່າ: ໄດ້ປະກາດກອງປ້ອງກັນຊາດປະຊາຊົນມຽນມາແລະອົງການຈັດຕັ້ງທ້ອງຖິ່ນທີ່ສັງກັດອົງການດັ່ງກ່າວ, ລັດຖະບານສາມັກຄີປອງດອງຊາດມຽນມາ ແລະ ຄະນະກຳມະການຜູ້ແທນສະພາສະຫະພັນ ເປັນອົງການກໍ່ການຮ້າຍ.
ກອງປ້ອງກັນຊາດປະຊາຊົນມຽນມາແມ່ນລັດຖະບານສາມັກຄີປອງດອງຊາດມຽນມາປະກາດສ້າງຕັ້ງຂຶ້ນໃນວັນທີ 5 ພຶດສະພານີ້, ຫຼັງຈາກນັ້ນ, ຫຼາຍທ້ອງຖິ່ນຂອງມຽນມາໄດ້ປະກາດສ້າງຕັ້ງອົງການຈັດຕັ້ງ ທີ່ສັງກັດກອງປ້ອງກັນຊາດປະຊາຊົນ ທີ່ຢູ່ທ້ອງຖິ່ນຕົນ. ລັດຖະບານສາມັກຄີປອງດອງຊາດມຽນມາແມ່ນຄະນະກຳມະການຜູ້ແທນສະພາສະຫະພັນມຽນມາສ້າງຕັ້ງຂຶ້ນໃນວັນທີ 16 ເມສາຜ່ານມານີ້.
ກະຊວງພາຍໃນມຽນມາໄດ້ປະກາດລັດຖະບານສາມັກຄີປອງດອງຊາດມຽນມາເປັນອົງການຈັດຕັ້ງຜິດກົດໝາຍໃນວັນທີ 20 ເມສາຜ່ານມານີ້, ຫຼັງຈາກນັ້ນ, ໄດ້ປະກາດຈັບກຸມສະມາຊິກຕົ້ນຕໍຂອງລັດຖະບານສາມັກຄີປອງດອງຊາດມຽນມາ.
ຄຳເຫັນ
0