ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຄຽງຄູ່ກັບຈຳນວນຜູ້ຕິດເຊື້ອໂຄວິດ-19 ຂອງສິງກະໂປເພີ່ມຂຶ້ນຢ່າງບໍ່ຢຸດຢັ້ງ, ລັດຖະບານສິງກະໂປໄດ້ປະກາດໃຊ້ມາດຕະການປ້ອງກັນພະຍາດຫຼາຍກວ່າເກົ່າເພື່ອຮັບມືກັບການແຜ່ລະບາດຂອງພະຍາດໂຄວິດ-19.
ວັນທີ 16 ພຶດສະພານີ້, ກະຊວງສຶກສາທິການສິງກະໂປໄດ້ອອກແຈ້ງການວ່າ: ເນື່ອງຈາກວ່າຢູ່ໂຮງຮຽນປະຖົມຢ່າງໜ້ອຍ 7 ແຫ່ງໄດ້ພົບກໍລະນີຕິດເຊື້ອໂຄວິດ-19, ສະນັ້ນ, ໂຮງຮຽນປະຖົມສິງກະໂປຈະປິດໂຮງຮຽນແຕ່ວັນທີ 16 ຫາວັນທີ 28 ພຶດສະພານີ້. ກະຊວງສຶກສາທິການສິງກະໂປຍັງກ່າວວ່າ: ສະຖານທີ່ທີ່ໄດ້ພົບຜູ້ຕິດເຊື້ອທີ່ບໍ່ເຕັມອາຍຸກະສຽນນັ້ນ ບໍ່ພຽງແຕ່ມີໂຮງຮຽນເທົ່ານັ້ນ, ຍັງມີສູນການສຶກສານອກໂມງຮຽນ. ສະນັ້ນ, ສະຖານທີ່ເຫຼົ່ານີ້ຈະຖືກປິດຊົ່ວຄາວເພື່ອປ້ອງກັນບໍ່ໃຫ້ເຊື້ອພະຍາດແຜ່ລະບາດໄປວົງກວ້າງ.
ນອກນີ້, ວັນທີ 14 ພຶດສະພານີ້, ລັດຖະບານສິງກະໂປໄດ້ປະກາດໃຊ້ມາດຕະການຕ່າງໆທີ່ເຂັ້ມງວດ ແລະຮອບດ້ານກວ່າເກົ່າ ເຊັ່ນ ການຈຳກັດຈຳນວນຄົນທີ່ຊຸມນຸມກັນ ຫ້າມບໍ່ໃຫ້ກິນເຂົ້າຢູ່ໃນຮ້ານອາຫານ ສົ່ງເສີມໃຫ້ເຮັດວຽກຢູ່ໃນເຮືອນ ແລະອື່ນໆ ເຊິ່ງຈະປະຕິບັດແຕ່ວັນທີ 16 ພຶດສະພານີ້ຫາວັນທີ 13 ມິຖຸນາ.
ຄຳເຫັນ
0