ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 22 ພຶດສະພານີ້, ທ່ານ ມູຮີດິນ ໂມຮາມມັດ ຢາຊີນ ນາຍົກລັດຖະມົນຕີມາເລເຊຍໄດ້ກ່າວໃນເວລາໃຫ້ສຳພາດຕໍ່ໂທລະພາບແຫ່ງຊາດມາເລເຊຍວ່າ: ຄຽງຄູ່ກັບສະພາບການສະໜອງວັກຊີນໂຄວິດ-19 ຢູ່ປະເທດຕົນມີຄວາມໝັ້ນທ່ຽງ, ປະຊາຊົນກໍໄດ້ເລີ່ມສັກວັກຊີນຈຳນວນຫຼວງຫຼາຍ, ມາເລເຊຍມີຫວັງຈະບັນລຸເປົ້າໝາຍສ້າງພູມຕ້ານທານລວມໝູ່ກ່ອນທ້າຍປີນີ້, ຄືທົ່ວປະເທດມີປະຊາກອນຢ່າງໜ້ອຍ 80% ຈະສາມາດສັກວັກຊີນໄດ້ທັນເວລາ.
ອີງຕາມແຜນການທີ່ລັດຖະບານມາເລເຊຍເປີດເຜີຍໃນກ່ອນໜ້ານີ້, ການສັກວັກຊີນໂຄວິດ-19 ຢູ່ປະເທດດັ່ງກ່າວແບ່ງອອກເປັນ 3 ໄລຍະຄື: ໄລຍະທີໜຶ່ງແມ່ນສັກວັກຊີນໃຫ້ແພດໝໍແລະພະຍາບານກໍຄືພະນັກງານທີ່ປະຕິບັດວຽກງານຢູ່ແນວໜ້າໃນດ້ານການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19, ໄລຍະທີສອງແມ່ນປະຊາກອນທີ່ມີອາຍຸສູງແລະກຸ່ມຄົນທີ່ມີຄວາມສ່ຽງສູງໃນການຕິດເຊື້ອໂຄວິດ-19, ໄລຍະທີສາມແມ່ນຜູ້ໃຫຍ່ທີ່ມີອາຍຸແຕ່ 18 ປີຂຶ້ນໄປ. ເຊິ່ງແຜນການດັ່ງກ່າວຈະກວມປະຊາກອນທັງໝົດຂອງມາເລເຊຍຢ່າງໜ້ອຍ 80%, ຄາດວ່າຈະສັກວັກຊີນໃຫ້ກຸ່ມຄົນເຫຼົ່ານີ້ສຳເລັດພາຍໃນເດືອນກຸມພາປີ 2022.
ຄຳເຫັນ
0