ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນຄ່ຳວັນທີ 23 ພຶດສະພານີ້, ທ່ານ ມູຮີດິນ ໂມຮາມມັດ ຢາຊິນ ນາຍົກລັດຖະມົນຕີມາເລເຊຍ ໄດ້ຮຽກຮ້ອງໃຫ້ປະຊາຊົນທົ່ວປະເທດ ຈົ່ງຈັດຕັ້ງປະຕິບັດມາດຕະການ “ກັກບໍລິເວນຕົນເອງ” ທັງຮ່ວມຈິດຮ່ວມໃຈກັນເພື່ອຄວບຄຸມ ຈຳນວນຜູ້ຕິດເຊື້ອພະຍາດໂຄວິດ-19 ທີ່ສູງຂຶ້ນໃນຫຼາຍມື້ມໍ່ໆມານີ້ນັ້ນ ໃຫ້ຫຼຸດລົງ.
ໃນເວລາໃຫ້ສຳພາດພິເສດແກ່ສະຖານີວິທະຍຸໂທລະພາບແຫ່ງຊາດມາເລເຊຍ, ທ່ານ ມູຮີດິນ ກ່າວວ່າ, ຖ້າຫາກປະຊາຊົນບໍ່ປະຕິບັດຕາມມາດຕະການປ້ອງກັນພະຍາດຢ່າງເຂັ້ມງວດ, ຄວາມພະຍາຍາມທັງໝົດຂອງລັດຖະບານ ກໍຈະຫຼົ້ມເຫຼວ.
ທ່ານ ມູຮີດິນ ກ່າວຕື່ມວ່າ: “ເວົ້າສຳລັບທ່ານເອງ ແລະ ກະຊວງສາທາລະນະສຸກມາເລເຊຍແລ້ວ, ການປິດເມືອງຮອບດ້ານ ແມ່ນວິທີທີ່ດີທີ່ສຸດ ໃນການຕັດຊ່ອງທາງຂອງການແຜ່ລະບາດຂອງໄວຣັດຢ່າງບັງເກີດຜົນ, ແຕ່ວິທີນີ້ ຈະມີຜົນກະທົບຕໍ່ເສດຖະກິດແຫ່ງຊາດຢ່າງໜັກໜ່ວງ ທັງເປັນໄພຂົ່ມຂູ່ຕໍ່ຊີວິດການເປັນຢູ່ຂອງປະຊາຊົນນຳອີກ.”
ຕາມຂ່າວແຈ້ງວ່າ: ຍ້ອນວ່າພະຍາດໂຄວິດ-19 ຮ້າຍແຮງຂຶ້ນຄືນໃໝ່, ປັດຈຸບັນ, ມາເລເຊຍຈຶ່ງໄດ້ປະຕິບັດຄຳສັ່ງຄວບຄຸມການເຄື່ອນໄຫວໃນຂອບເຂດທົ່ວປະເທດ ໂດຍໄດ້ປິດໂຮງຮຽນ, ຫ້າມນັ່ງກິນອາຫານຢູ່ຕາມຮ້ານຕ່າງໆ; ແຕ່ບໍລິສັດແລະຮ້ານຄ້າຕ່າງໆ ຍັງສາມາດດຳເນີນທຸລະກິດໄດ້ຕາມປົກກະຕິ.
ມາຮອດວັນທີ 23 ພຶດສະພານີ້, ຢູ່ມາເລເຊຍ ໄດ້ພົບຜູ້ຕິດພະຍາດໂຄວິດ-19 ລວມທັງໝົດຫຼາຍກວ່າ 5 ແສນ 1 ໝື່ນກໍລະນີ, ໃນນັ້ນ ເສຍຊີວິດແລ້ວ 2248 ຄົນ.
ຄຳເຫັນ
0