ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 28 ພຶດສະພານີ້, ຄະນະກຳມະການໂອລິມປິກຟີລິບປີນໄດ້ສັກວັກຊີນຕ້ານໂຄວິດ-19 ທີ່ຜະລິດໂດຍບໍລິສັດຊິນໂນວັກຂອງຈີນໃຫ້ນັກກິລາຟິລິບປີນທີ່ຈະເຂົ້າຮ່ວມງານກິລາໂອລິມປິກໂຕກຽວ.
ໃນມື້ດັ່ງກ່າວມີນັກກິລາຟີລິບປີນປະມານ 700 ຄົນໄດ້ສັກວັກຊີນ, ລວມທັງນັກກິລາຫຼາຍສິບຄົນທີ່ໄດ້ສິດເຂົ້າຮ່ວມການແຂ່ງຂັນງານກິລາໂອລິມປິກໂຕກຽວແລະນັກກິລາທີ່ຈະເຂົ້າຮ່ວມການແຂ່ງຂັນເລືອກເຟັ້ນຂອງງານກິລາໂອລິມປິກ, ພ້ອມດ້ວຍນັກກິລາທີ່ຈະເຂົ້າຮ່ວມງານກິລາຊີເກມໃນປີນີ້.
ທ່ານ ວິນ ດີຊອນ ຮອງຜູ້ປະສານງານໃຫຍ່ເພື່ອຮັບມືກັບການແຜ່ລະບາດຂອງພະຍາດໂຄວິດ-19 ຂອງລັດຖະບານຟີລິບປີນກ່າວວ່າ: ການສັກວັກຊີນໃຫ້ແກ່ນັກກິລາທັງຫຼາຍ, ແມ່ນມາດຕະການສຳຄັນເພື່ອປົກປ້ອງນັກກິລາ. ຂອບໃຈຈີນທີ່ໃຫ້ການຊ່ວຍເຫຼືອທາງດ້ານວັກຊີນຕ້ານໂຄວິດ-19 ຢ່າງທັນການ, ເຊິ່ງເປັນການຮັບປະກັນໃຫ້ຟີລິບປີນສາມາດປະຕິບັດໂຄງການສັກວັກຊີນໄດ້ຢ່າງສະດວກ.
ຄຳເຫັນ
0