ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ30ພຶດສະພານີ້,ທ່ານອີດູອາໂດ ອາໂນ ລັດຖະມົນຕີກະຊວງພາຍໃນແລະອົງການປົກຄອງທ້ອງຖິ່ນຂອງຟິລິບປິນໄດ້ອອກຖະແຫຼງການວ່າ,ຈະວາງກຳລັງຕຳຫຼວດແລະນັກດັບເພີງ5ໝື່ນຄົນ ເພື່ອໃຫ້ການສະໜັບສະໜູນແລະຮັບປະກັນຄວາມປອດໄພແກ່ແຜນການສັກວັກຊີນທົ່ວປະເທດ.
ທ່ານອີດູອາໂດ ອາໂນກ່າວວ່າ: ໃນສອງເດືອນຕໍ່ໜ້ານີ້ ຈະມີວັກຊີນປະມານ16ລ້ານຫຼອດສົ່ງມາຮອດຟິລິບປິນ. ການສັກວັກຊີນຢ່າງກວ້າງຂວາງ,ເປັນວິທີພຽງໜຶ່ງດຽວໃນການສະກັດກັ້ນການແຜ່ລະບາດຂອງພະຍາດໂຄວິດ-19ຄັ້ງນີ້ໃຫ້ສິ້ນສຸດລົງ, ພ້ອມກັນນັ້ນມັນກໍເປັນສິ່ງທ້າທາຍອັນໃຫຍ່ຫຼວງສຳລັບລັດຖະບານ.
ຂ່າວສານຟິລິບປິນລາຍງານວ່າ: ຈະມີຕຳຫຼວດ35.415ຄົນອຳນວຍຄວາມສະດວກແລະຮັບປະກັນຄວາມປອດໄພໃນໄລຍະຂົນສົ່ງວັກຊີນໄປເຖິງຈຸດຕ່າງໆພາຍໃນປະເທດ,ແລະຈະມີກຳລັງຕຳຫຼວດ13.840ຄົນຮັບປະກັນຄວາມປອດໄພໃນການສັກວັກຊີນຢູ່ແຫ່ງຕ່າງໆ.
ຄຳເຫັນ
0