ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ3ມີຖຸນານີ້,ໜັງສືພິມລຽນເຮີຈາວປ້າວ ເຊິ່ງແມ່ນສື່ຫຼັກຂອງສິງກະໂປໄດ້ລາຍງານວ່າ,ການຕົກລົງຂອງສິງກະໂປທີ່ຢາກສົ່ງເສີມໃຫ້ປະຊາຊົນນຳໃຊ້ອຸປະກອນກວດຫາເຊື້ອໄວຣັສໂຄວິດ-19ດ້ວຍຕົນເອງຢ່າງກວ້າງຂວາງນັ້ນ ໄດ້ຮັບຄວາມສົນໃຈຢ່າງຫຼວງຫຼາຍຈາກໂຮງງານ ຜະລິດອຸປະກອນທີ່ກ່ຽວຂ້ອງ.
ວັນທີ31ພຶດສະພາຜ່ານມານີ້,ທ່ານລີຊຽນລົງ ນາຍົກລັດຖະມົນຕີສິງກະໂປໄດ້ກ່າວເນັ້ນໃນຄຳປາໄສຕໍ່ປະຊາຊົນທົ່ວປະເທດວ່າ, ໄວຣັສໂຄວິດ-19ກາຍພັນໃໝ່ຍັງເປັນໄພຂົ່ມຂູ່ໂລກແລະສິງກະໂປອີກຕໍ່ໄປ, ການເພີ່ມທະວີການກວດຫາເຊື້ອພະຍາດ,ຂະນະດຽວກັນກໍຕ້ອງສັກວັກຊີນແບບເປີດກວ້າງໂດຍໄວເທົ່າທີ່ຈະໄວໄດ້ ຈຶ່ງຈະສາມາດຮັບມືກັບສະພາບພະຍາດໄດ້. ທ່ານໄດ້ປະກາດວ່າ,ສິງກະໂປຈະໃຊ້ຫຼາຍວິທີເພື່ອເປີດກວ້າງຂອບເຂດການກວດຫາເຊື້ອພະຍາດ ເຊັ່ນ:ສົ່ງເສີມໃຫ້ປະຊາຊົນນຳໃຊ້ອຸປະກອນກວດຫາເຊື້ອໄວຣັສເອົາເອງເປັນຕົ້ນ.ຂະນະດຽວກັນຈະປັບປຸງນະໂຍບາຍກວດຫາເຊື້ອທີ່ມີຢູ່ໃນປັດຈຸບັນ,ເພີ່ມທະວີການກວດຫາເຊື້ອໄວຣັສໃຫ້ຫຼາຍຂຶ້ນຢູ່ແຫ່ງຕ່າງໆຫຼາຍກວ່າເກົ່າ.
ຄຳເຫັນ
0