ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 5 ມິດຖຸນານີ້, ທ່ານວາງຢີ້, ທີ່ປຶກສາແຫ່ງລັດ ທັງເປັນລັດຖະມົນຕີກະຊວງການຕ່າງປະເທດຈີນກັບທ່ານລູຮຸດ ພັນຈາຍທັນ, ທູດພິເສດຂອງປະທານາທິບໍດີອິນໂດເນເຊຍ, ຜູ້ຮັບຜິດຊອບການຮ່ວມມືກັບຈີນຂອງອິນໂດເນເຊຍ ໄດ້ຮ່ວມກັນເປັນເຈົ້າພາບໃຫ້ແກ່ ກອງປະຊຸມຄັ້ງປະຖົມມະລືກຂອງກົນໄກຮ່ວມມືສົນທະນາຂັ້ນສູງຈີນ-ອິນໂດເນເຊຍ, ເຊິ່ງສອງຝ່າຍໄດ້ບັນລຸຄວາມເຫັນເອກະສັນກັນສຳຄັນ 5 ຂໍ້.
ສອງຝ່າຍຈະສືບຕໍ່ລົງເລິກການຮ່ວມມືຄົບຕ່ອງໂສ້ຂະແໜງການ ໃນການຄົ້ນຄວ້າ, ຜະລິດ, ແລະແຈກຢາຍຢາວັກຊີນ, ຊ່ວຍເຫຼືອອິນໂດເນເຊຍສ້າງສູນຜະລິດຢາວັກຊີນໃນພາກພື້ນ. ສອງຝ່າຍສະໜັບສະໜູນຍົກເລີກສິດຊັບສິນທາງປັນຍາຂອງຢາວັກຊີນຕ້ານພະຍາດໂຄວິດ-19, ແລະຈະສະໜັບສະໜູນປະຊາຊົນຂອງຝ່າຍກົງກັນຂ້າມສັກວັກຊີນຕ້ານພະຍາດໂຄວິດ-19 ຢູ່ປະເທດຕົນ, ສອງຝ່າຍຈະລົງເລິກການເຮັດໃຫ້ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ກັບແນວຄິດ “ຈຸດຄ້ຳຊູທາງທະເລທົ່ວໂລກ” ເຊື່ອມໂຍງເຂົ້າກັນ, ຮັບປະກັນໃຫ້ສຳເລັດການສ້າງທາງລົດໄຟຈາກາກຕາ-ບັນດຸງຕາມເວລາກຳນົດ, ສອງຝ່າຍຈະເປີດກວ້າງຊ່ອງທາງທີ່ກວ້າງຂວາງໃນການຮ່ວມມືເທີງທະເລ, ເລີ່ມຕົ້ນການຮ່ວມມືໃນຂະແໜງການປະມົງຢ່າງຮອບດ້ານ. ເລັ່ງລັດຊຸກຍູ້ການປຶກສາຫາລື “ກົດແຫ່ງການປະພຶດຢູ່ທະເລຈີນໃຕ້”, ເຮັດໃຫ້ການຮ່ວມມືກາຍເປັນຫົວຂໍ້ຫຼັກແຫ່ງສະຖານະການທະເລຈີນໃຕ້, ສອງຝ່າຍຈະເພີ່ມທະວີການຮ່ວມມືໃນດ້ານອາຊີວະສຶກສາ, ເພື່ອສ້າງພື້ນຖານດ້ານຄວາມເຫັນຂອງປະຊາຊົນໃຫ້ແໜ້ນແຟ້ນຕື່ມອີກ ໃຫ້ແກ່ການຂະຫຍາຍການພົວພົວລະຫວ່າງສອງປະເທດ.
ຄຳເຫັນ
0